ରାଜସ୍ଥାନର ସୁମନ ରାଓ ୨୦୧୯ର ମିସ୍ ଇଣ୍ଡିଆ ଓ୍ବାଲ୍ଡ ଟାଇଟଲ୍ ହାସଲ କରିଛନ୍ତି । ଶନିବାର ଦିନ ଅନୁଷ୍ଠିତ ଗ୍ରାଣ୍ଡ ଫିନାଲେରେ ସୁମନ୍ ଏହି ଆଓ୍ବାର୍ଡ ହାସଲ କରିଛନ୍ତି । ସେ ୨୦୧୯ ମିସ୍ ଓ୍ବାଲ୍ଡ ପ୍ରତିଯୋଗିତାରେ ଭାରତ ତରଫରୁ ପ୍ରତିନିଧିତ୍ବ କରିବେ । ୨୦୧୮ର ମିସ୍ ଇଣ୍ଡିଆ ଅନୁକ୍ରିତି ବ୍ୟାସ୍ ତାଙ୍କୁ ମିସ୍ ଇଣ୍ଡିଆ ଟାଇଟଲ୍ରେ ଅଭିଷିକ୍ତ କରିଥିଲେ । ଏହି ସୁନ୍ଦରୀ ପ୍ରତିଯୋଗିତାରେ ପ୍ରଥମ ରନର୍ସଅପ୍ ହୋଇଛନ୍ତି ତେଲେଙ୍ଗାନାର ସଞ୍ଜନା ଭିଜ୍ ସେହିପରି ବିହାରର ଶ୍ରେୟା ଶଙ୍କର ମିସ୍ ଇଣ୍ଡିଆ ୟୁନାଇଟେଡ୍ କଣ୍ଟିନେଟ୍ ଓ ଛତିଶଗଡ଼ର ଶିବାନୀ ଯାଦବ୍ ମିସ୍ ଗ୍ରାଣ୍ଡ୍ ୨୦୧୯ର ଟାଇଟଲ୍ ହାସଲ କରିଛନ୍ତି । ଏହି କାର୍ଯ୍ୟକ୍ରମରେ ବଲିଉଡ୍ କୋରିଓଗ୍ରାଫର୍ ରେମୋ ଡିସୁଜା, ଅଭିନେତ୍ରୀ ହ୍ୟୁମା କୁରେସୀ, ଚିତ୍ରାଙ୍ଗଦା ସିଂ, ଫ୍ୟାଶନ୍ ଡିଜାଇନର୍ ଫାଲ୍ଗୁନୀ ସେନ୍ ପିକକ୍ ଓ ଭାରତୀୟ ଫୁଟବଲର୍ ସୁନୀଲ୍ ଛେତ୍ରୀ ପ୍ରମୁଖ ସାମିଲ୍ ହୋଇଥିଲେ । ଆୟୋଜିତ ରଙ୍ଗାରଙ୍ଗା କାର୍ଯ୍ୟକ୍ରମରେ କ୍ୟାଟ୍ରିନା କୈଫ୍, ବିକି କୌଶଲ୍ ଓ ମୌନୀ ରୟ ପ୍ରମୁଖ ନିଜର ପ୍ରତିଭା ପ୍ରଦର୍ଶନ କରିଥିଲେ । ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ବଲିଉଡ୍ ନିର୍ମାତା ନିର୍ଦ୍ଦେଶକ କରନ୍ ଜୋହର୍, ଅଭିନେତା ଭିକି କୌଶଲ୍ ଓ ମିସ୍ ଇଣ୍ଡିଆ ଓ୍ବାଲ୍ଡ ୨୦୧୮ର ମାନୁଷୀ ଚିଲ୍ଲାର ।
