ନୂଆଦିଲ୍ଲୀ: ଶନିବାର ଦିନ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର କହିଛନ୍ତି ଯେ, କିଛି ପ୍ରସଙ୍ଗ ସତ୍ତ୍ୱେ ଡୋନାଲ୍ଡ ଟ୍ରମ୍ପଙ୍କ ଆମେରିକାର ରାଷ୍ଟ୍ରପତି ଥିବା ସମୟରେ ଭାରତ-ଆମେରିକା ସମ୍ପର୍କ ଆହୁରି ଗଭୀର ହୋଇଛି। ଦିଲ୍ଲୀର ୯ମ ରାୟସିନା ସଂଳାପରେ ଯୋଗ ଦେଇ ଏସ ଜୟଶଙ୍କର କହିଛନ୍ତି ଯେ, ୨୦୧୭ ରୁ ୨୦୨୧ ପର୍ଯ୍ୟନ୍ତ ଟ୍ରମ୍ପ ରାଷ୍ଟ୍ରପତି ଥିଲେ। ତାଙ୍କ ସହିତ ଆମର ବହୁତ ଭଲ ସମ୍ପର୍କ ଥିଲା। ସେ ଭ୍ରମଣରେ ଏଠାକୁ ଆସିଥିଲେ, ଆମ ପ୍ରଧାନମନ୍ତ୍ରୀ ସେଠାକୁ ଭ୍ରମଣରେ ଯାଇଥିଲେ। କିଛି ସମସ୍ୟା ଥିଲା କିନ୍ତୁ ସାମଗ୍ରିକ ଭାବରେ ଯଦି ମୁଁ ଏହାକୁ ଦେଖେ, ସେହି ଚାରି ବର୍ଷ ମଧ୍ୟରେ ଆମର ସମ୍ପର୍କ ଗଭୀର ହେଲା।”
