ଦୁର୍ନୀତି ବିରୋଧରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ପୁଣି ନେଇଛନ୍ତି ଦୃଢ଼ ପଦକ୍ଷେପ। ମୋଦି ସରକାରଙ୍କ ଦ୍ବିତୀୟ କାର୍ଯ୍ୟକାଳରେ ଭ୍ରଷ୍ଟାଚାର ଉପରେ ବେଶ୍ ଦୃଢ ହୋଇଥିବାର ଦେଖାଯାଇଛି । ଏଥର ଦୁର୍ନୀତି ତଥା ନିର୍ଯାତନା ଅଭିଯୋଗରେ ୧୫ ବରିଷ୍ଠ ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ କରିଛନ୍ତି ସରକାର । ମୁଖ୍ୟ ଆୟୁକ୍ତ, ଆୟୁକ୍ତ ଓ ଅତିରିକ୍ତ ଆୟୁକ୍ତ ସ୍ତରର ଅଧିକାରୀମାନେ ଏହି ଲିଷ୍ଟ୍ରେ ସାମିଲ୍ ଅଛନ୍ତି । ଏହି ସମସ୍ତଙ୍କ ବିରୋଧରେ ଭ୍ରଷ୍ଟାଚାର, ଲାଞ୍ଚ କାରବାରର ଅଭିଯୋଗ ରହିଛି । ୧୮ ଜୁନ୍ରେ କେନ୍ଦ୍ରୀୟ ପ୍ରତ୍ୟକ୍ଷ କର ଏବଂ ସେବା ବିଭାଗର ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯାଇଛି ସେମାନଙ୍କ ମଧ୍ୟରେ ରହିଛନ୍ତି ପ୍ରିନ୍ସିପାଲ୍ କମିଶନର ଡ. ଅନୁପ୍ ଶ୍ରୀବାସ୍ତବ, କମିଶନର ଅତୁଲ ଦୀକ୍ଷିତ୍, କମିଶନର ସଂସାର ଚନ୍ଦ୍ର, କମିଶନର ହର୍ଷା, କମିଶନର ବିନୟ ବ୍ରିଜ ସିଂହ, ଆଡିସନାଲ୍ କମିଶନର୍ ଅଶୋକ ମହିନ୍ଦା, ଆଡିସନାଲ୍ କମିଶନର୍ ବୀରେନ୍ଦ୍ର ଅଗ୍ରଓ୍ବାଲ, ଡେପୁଟି କମିଶନର୍ ଅମରେଶ୍ ଜୈନ୍, ଯୁଗ୍ମ କମିଶନର୍ ନଳିନୀ କୁମାର, ଆସିଷ୍ଟାଣ୍ଟ କମିଶନର୍ ଏସଏସ ପାବ୍ନା, ଆସିଷ୍ଟାଣ୍ଟ୍ କମିଶନର୍ ଏସଏସ୍ ବିଷ୍ଟ, ଆସିଷ୍ଟାଣ୍ଟ କମିଶନର ବିନୋଦ ସାଙ୍ଗା, ଆଡ଼ିସନାଲ୍ କମିଶନର ରାଜୁ ସେକର, ଡେପୁଟି କମିଶନର୍ ଅଶୋକ କୁମାର ଅସବାଲ୍ ଓ ଆସିଷ୍ଟାଣ୍ଟ୍ କମିଶନ୍ ମୋହମ୍ମଦ ଅଲତାଫ୍ ପ୍ରମୁଖ । ଏହି ଅଧିକାରୀମାନଙ୍କୁ ଡିପାର୍ଟମେଣ୍ଟ ଅଫ୍ ପର୍ସନାଲ୍ ଆଣ୍ଡ୍ ଆଡମିନିଷ୍ଟ୍ରେଟିଭ୍ ରିଫର୍ମ ନିୟମ ୫୬ ଅନୁସାରେ ବାଧ୍ୟତାମୂଳକ ଅବସର ଦିଆଯାଇଛି। ପୂର୍ବରୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ଅର୍ଥ ବିଭାଗ ଦାୟିତ୍ବ ନେବା ପରେ ଏହି ସମ୍ପର୍କିତ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରି ୧୨ ଜଣ ବରିଷ୍ଠ ଅଧିକାରୀଙ୍କୁ ବାଧ୍ୟତାମୂଳକ ଅବସର ପ୍ରଦାନ କରାଯାଇଥିଲା ।
