ବାଲୁଗାଁ (ସୀତାରାମ ଅଗ୍ରୱାଲ): ସାରସ୍ୱତ ମଞ୍ଚ ବର୍ଣ୍ଣମାଳା ପକ୍ଷରୁ ବାଲୁଗାଁ ନିକଟ ଓଡ଼ିଆର୍ଟ ଅନୁଷ୍ଠାନ ପରିସରରେ କୋଡିଏ ଓ ଏକୋଇଶି ଦୁଇଦିନ ଧରି ବିଶ୍ୱ କବିତା ଦିବସ ଆୟୋଜିତ ହୋଇଯାଇଛି। ବର୍ଣ୍ଣମାଳାର ନିର୍ଦ୍ଦେଶକ ତଥା ଓଡ଼ିଶାର ପ୍ରଖ୍ୟାତ କବି ରାଜେନ୍ଦ୍ର କିଶୋର ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ବିଶ୍ୱ କବିତା ଦିବସରେ ରାଜ୍ୟର ବିଶିଷ୍ଟ କବି ଓ ଲେଖକମାନେ ଯୋଗଦେଇ କବିତା ଓ ସଂଗୀତ ଉପସ୍ଥାପନା ମାଧ୍ୟମରେ ଓଡ଼ିଆ ଭାଷାର ସ୍ୱତନ୍ତ୍ରତା ତଥା ଓଡ଼ିଆ କବିତାର ଜାତୀୟତାକୁ ପ୍ରତିପାଦିତ କରିଥିଲେ।
ଉକ୍ତ ସମାରୋହରେ ବିଶିଷ୍ଟ କବୟିତ୍ରୀ ମମତା ଦାଶ, ଫନୀ ମହାନ୍ତି, ବିପିନ ନାୟକ, ପ୍ରଦୀପ ପଣ୍ଡା, ମନୁଆ ଦାସ, ଅଙ୍ଗୁରୁବାଳା ପରିଡ଼ା, ଡଃ ମିହିର ସାହୁ, ଈପସିତା ଷଡ଼ଙ୍ଗୀ, ଅନୁଗ୍ରହ ପଟ୍ଟନାୟକ, ପ୍ରିୟଦର୍ଶିନୀ ମହାନ୍ତି, ଚିରଶ୍ରୀ ଇନ୍ଦ୍ରସିଂ, ସୁନନ୍ଦା ପ୍ରଧାନ, ପ୍ରବାସିନୀ ହୋତା, ଅମୀୟ ରଞ୍ଜନ ମହାପାତ୍ର, ଧନଞ୍ଜୟ ସ୍ୱାଇଁ, ହରିଶ୍ଚନ୍ଦ୍ର ବେହେରା, ରାଜୀବ ପାଣି, ଶଶୀଭୁଷଣ ରଥ, ଡଃ କୈଳାସ ଚନ୍ଦ୍ର ମହାରଣା, ପ୍ରିୟଦର୍ଶିନୀ ମହାରଣା, ସରୋଜ କୁମାର ମହାପାତ୍ର, ପ୍ରମୁଖ କବିମାନେ ସ୍ୱରଚିତ କବିତା ଆବୃତ୍ତି କରିବା ସହ କବି ମନର କଥା, ଓଡ଼ିଆ ଭାଷା ପାଇଁ ପ୍ରତିବଦ୍ଧତା, ଓଡ଼ିଆ କବିତାର ଭବିଷ୍ୟତ ସମ୍ପର୍କରେ ଆଲୋଚନା କରିଥିଲେ। କାର୍ଯ୍ୟକ୍ରମ ସଂଯୋଜନା କରିଥିଲେ ରାଜୀବ ପାଣି।