ନୂଆଦିଲ୍ଲୀ / ୱାଶିଂଟନ୍: ଦିଲ୍ଲୀର ଏକ୍ସାଇଜ୍ ପଲିସି ସ୍କାମରେ ଗୁରୁବାର ଦିନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଛି। ସମ୍ପ୍ରତି, କେଜ୍ରିୱାଲ ୭ ଦିନ ପାଇଁ ଇଡି ହେପାଜତରେ ଅଛନ୍ତି। ଆମେରିକା ମଧ୍ୟ ଏହି ସମଗ୍ର ବିଷୟ ଉପରେ ନଜର ରଖିଛି। ଆମେରିକା ବୈଦେଶିକ ବିଭାଗ କହିଛି ଯେ, ଆମେ ଭାରତ ସରକାରଙ୍କୁ ଏକ ଉଚିତ ଏବଂ ସ୍ୱଚ୍ଛ ଆଇନଗତ ପ୍ରକ୍ରିୟା ପାଇଁ ଆଶା କରୁଛୁ। ଏହା ପୂର୍ବରୁ ନାଗରିକତା ସଂଶୋଧନ ଆଇନ ଯଥା CAA ସମ୍ବନ୍ଧରେ ଆମେରିକା ଏକ ବିବୃତ୍ତି ଦେଇଥିଲା।
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ମାମଲାରେ ନ୍ୟୁଜ୍ ଏଜେନ୍ସି ‘ରଏଟର୍ସ’କୁ ପଚରାଯାଇଥିବା ପ୍ରଶ୍ନର ଉତ୍ତରରେ ଆମେରିକାର ବୈଦେଶିକ ବିଭାଗ ମୁଖପାତ୍ର କହିଛନ୍ତି ଯେ, “ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ଉପରେ ଆମେ ତୀକ୍ଷ୍ଣ ନଜର ରଖିଛୁ। ଏଥିପାଇଁ ଏକ ସ୍ୱଚ୍ଛ ଆଇନଗତ ପ୍ରକ୍ରିୟା ଆଶା କରୁଛୁ।