ଭୁବନେଶ୍ବର: ସବୁ କଟକଣାକୁ ବେଖାତିର କରି ଆଜି ପୁଅ ମନ୍ନଥ ରାଉତରାୟଙ୍କ ପାଇଁ ଜୋରଦାର ପ୍ରଚାର କରିଛନ୍ତି ଜଟଣୀ ବିଧାୟକ ସୁରେଶ ରାଉତରାୟ। ଆଜି ଭୁବନେଶ୍ବରର ଚନ୍ଦ୍ରଶେଖରପୁରେ ଥିବା ବୁଦ୍ଧ ପାର୍କରେ ବାପପୁଅ ପ୍ରଚାର କରିଛନ୍ତି। ସାଥିରେ ଅଛନ୍ତି ଭୁବନେଶ୍ବର ଉତ୍ତର ବିଧାୟକ ପ୍ରାର୍ଥୀ ସୁଶାନ୍ତ ରାଉତ ଏବଂ ମେୟର ସୁଲଚନା ଦାସ। ମନ୍ମଥଙ୍କୁ ଭୁବନେଶ୍ବରର ସାଂସଦ ପ୍ରାର୍ଥୀ ଭାବେ ଭୋଟ ଦେବାକୁ ସମସ୍ତେ ନିବେଦନ କରିଛନ୍ତି।
ବିଜେଡି ନେତାମାନେ ପାର୍କରେ ମଣ୍ଣିଂ ୱାର୍କ କରୁଥିବା ଲୋକମାନଙ୍କୁ ଭେଟିଛନ୍ତି। ଭୋଟ ଭିକ୍ଷା କରିଛନ୍ତି। ପୁଅକୁ ଭୋଟ ଦିଅ ବୋଲି ସୁର ରାଉତରାୟ କହିଛନ୍ତି। ହେଲେ କେଉଁ ଚିହ୍ନରେ ଭୋଟ ଦେବେ ସେ କଥା ସେ କହି ନାହାଁନ୍ତି। କିଛିଦିନ ତଳେ ମନ୍ମଥ ଫରେଷ୍ଟ ପାର୍କକୁ ମଧ୍ୟ ପ୍ରଚାର ପାଇଁ ଯାଇଥିଲେ, ହେଲେ ସେତେବେଳେ ସାଥିରେ ବାପା ସୁର ରାଉତରାୟ ନ ଥିଲେ। ବର୍ତ୍ତମାନ ପୁଅ ପାଇଁ ସୁର ରାଉତରାୟ ଜୋରଦାର ପ୍ରଚାର କରିବେ ବୋଲି ଜଣାପଡିଛି।