ନୂଆଦିଲ୍ଲୀ: ଏକ ରୋମାଞ୍ଚକର ମ୍ୟାଚରେ କୋଲକାତା ନାଇଟ୍ ରାଇଡର୍ସକୁ ରାଜସ୍ଥାନ ରୟାଲ୍ସ ଦୁଇ ୱିକେଟରେ ପରାସ୍ତ କରିଛି। ଜୋସ୍ ବଟଲର୍ ୧୦୭ ରନ୍ ର ଏକ ଅପରାଜିତ ମ୍ୟାଚ୍ ବିଜୟୀ ଇନିଂସ ଖେଳି ଦଳକୁ ବିଜେତା କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ବଟଲରଙ୍କ ବ୍ୟାଟରୁ ୯ ଟି ଚୌକା ଓ ୬ ଛକା ଆସିଥିଲା। ବଟଲର ରାଜସ୍ଥାନ ପାଇଁ ‘ୱାନ ମ୍ୟାନ ଆର୍ମି’ ଭାବେ ପ୍ରମାଣିତ ହେଲେ। ଏହାପୂର୍ବରୁ କେକେଆର୍ ପାଇଁ ସୁନୀଲ ନରେନଙ୍କ ଶତକୀୟ (୧୦୯ ରନ୍) ପାଳି ଖେଳି ରାଜସ୍ଥାନକୁ ଏକ ବଡ ଟାର୍ଗେଟ ଦେଇଥିଲେ। ଯାହାଫଳରେ କେକେଆର୍ ୨୦ ଓଭରରେ ୨୨୩ ରନ୍ ସଂଗ୍ରହ କରିଥିଲା। ଏହାର ଜବାବରେ ରାଜସ୍ଥାନ ଶେଷ ବଲରେ ଲକ୍ଷ୍ୟ ହାସଲ କରିଥିଲା।
