ନୂଆଦିଲ୍ଲୀ: ଆଜି ଆଇପିଏଲ୍ 2024 ରେ ଚେନ୍ନାଇ ସୁପର କିଙ୍ଗସ୍ ଏବଂ ଲକ୍ଷ୍ନୌ ସୁପର ଜିଆଣ୍ଟସ୍ ମଧ୍ୟରେ ମ୍ୟାଚ୍ ଖେଳାଯିବ। କେ.ଏଲ୍ ରାହୁଲ ଏବଂ ରୁତୁରାଜ ଗାଇକ୍ଵାଡଙ୍କ ଦ୍ୱାରା ନେତୃତ୍ଵାଧୀନ ଦଳ ମଧ୍ୟରେ ଏହି ସଂଘର୍ଷ ଲକ୍ଷ୍ନୌର ଇକାନା ଷ୍ଟାଡିୟମରେ ହେବ। ଏହି ମ୍ୟାଚ୍ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ ହେବ। ଗୋଟିଏ ପଟେ ଚେନ୍ନାଇ ଜିତି ଟପ୍ -4 ରେ ରହିବାକୁ ଚାହୁଁଛି ଏବଂ ଅନ୍ୟ ପଟେ ଲକ୍ଷ୍ନୌ ବିଜୟ ସହ ଟପ୍ -4 ପ୍ରବେଶ କରିବାକୁ ଚେଷ୍ଟା କରିବ।
ଚେନ୍ନାଇ ଏପର୍ଯ୍ୟନ୍ତ 6 ଟି ମ୍ୟାଚ୍ ଖେଳିଛି, ଯେଉଁଥିରେ ସେମାନେ 4 ଟି ଜିତିଛନ୍ତି। ଅନ୍ୟପକ୍ଷରେ ଲକ୍ଷ୍ନୌ ଏପର୍ଯ୍ୟନ୍ତ 6 ଟି ମ୍ୟାଚ ମଧ୍ୟରୁ 3 ଟି ଜିତିଛି। ଚେନ୍ନାଇ ଶେଷ ମ୍ୟାଚରେ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଥିବାବେଳେ ଲକ୍ଷ୍ନୌ ଗତ ମ୍ୟାଚରେ କୋଲକାତା ବିପକ୍ଷରେ ହାରି ଯାଇଥିଲା। ତେବେ ଆସନ୍ତୁ ଜାଣିବା ଆଜି ଖେଳାଯିବାକୁଥିବା ମ୍ୟାଚରେ ଚେନ୍ନାଇ ଏବଂ ଲକ୍ଷ୍ନୌର ସମ୍ଭାବିତ ଖେଳାଳି କ’ଣ ହୋଇପାରେ? ଏହା ବ୍ୟତୀତ, ଆପଣ ମ୍ୟାଚ୍ ପୂର୍ବାନୁମାନ, ପିଚ୍ ରିପୋର୍ଟ ଏବଂ ହେଡ୍ ଟୁ ହେଡ୍ ସୂଚନା ମଧ୍ୟ ପାଇବେ।
ପିଚ୍ ରିପୋର୍ଟ:
ଚେନ୍ନାଇ ଏବଂ ଲକ୍ଷ୍ନୌ ଦଳ ଇକାନା ଷ୍ଟାଡିୟମରେ ମୁହାଁମୁହିଁ ହେବେ, ଯେଉଁଠାରେ ବ୍ୟାଟିଂ କଷ୍ଟକର। ଏଠାରେ ପ୍ରଥମେ ବ୍ୟାଟିଂ କରୁଥିବା ଦଳଗୁଡ଼ିକ ପାଇଁ ସୁବିଧା ରହିଛି। ଏଠାରେ ଖେଳାଯାଇଥିବା 10 ଟି ମ୍ୟାଚ ମଧ୍ୟରୁ କେବଳ 3 ଟି ମ୍ୟାଚ ପଛରେ ବ୍ୟାଟିଂ କରିଥିବା ଦଳ ଜିଟିଛି। ଇକାନାରେ, ପ୍ରାରମ୍ଭରୁ ଦ୍ରୁତ ବୋଲରମାନେ ଏବଂ ପରେ ସ୍ପିନରମାନେ ସାହାଯ୍ୟ ପାଆନ୍ତି। ଏପରି ପରିସ୍ଥିତିରେ, ଆଜି ଏଠାରେ ଥିବା ପିଚ୍ କିପରି ରହିବ, ତାହା ଦେଖିବା ମଜାଦାର ହେବ।
ଚେନ୍ନାଇ ସୁପର କିଙ୍ଗ୍ସର ସମ୍ଭାବ୍ୟ ଖେଳାଳି:
ରଚିନ୍ ରବିନ୍ଦ୍ର, ରୁତୁରାଜ ଗାଇକ୍ଵାଡ (ଅଧିନାୟକ), ଅଜିଙ୍କ୍ୟ ରାହାନେ, ମୋଇନ୍ ଅଲି / ଡାରିଲ୍ ମିଚେଲ, ଶିବମ୍ ଦୁବେ, ରବିନ୍ଦ୍ର ଜାଡେଜା, ସମୀର ରିଜଭି, ଏମ୍.ଏସ୍ ଧୋନି (ୱିକେଟ୍ କିପର), ଶାର୍ଦ୍ଦୁଲ ଠାକୁର, ତୁଷାର ଦେଶପାଣ୍ଡେ, ମୁସ୍ତାଫିଜୁର ରହମାନ।
ଇମ୍ପାକ୍ଟ ପ୍ଲେୟାର- ମଥିଶା ପଥିରାନା
ଲକ୍ଷ୍ନୌ ସୁପର ଜଏଣ୍ଟସ୍ ର ସମ୍ଭାବ୍ୟ ଖେଳାଳି:
କ୍ୱିଣ୍ଟନ୍ ଡି କକ୍ / କାଇଲ୍ ମାୟର୍ସ, କେ.ଏଲ୍ ରାହୁଲ (ଅଧିନାୟକ / ୱିକେଟ୍ କିପର), ଦୀପକ ହୁଡା, ଆୟୁଷ ବଦୋନି, ମାର୍କସ୍ ଷ୍ଟୋଇନିସ୍, ନିକୋଲାସ୍ ପୁରାନ୍, କ୍ରୁନାଲ ପାଣ୍ଡ୍ୟା, ରବି ବିଷ୍ନୋଇ, ମୋହସିନ୍ ଖାନ୍, ଶମର ଜୋସେଫ, ୟଶ ଠାକୁର / ମୟଙ୍କ ଯାଦବ।
ଇମ୍ପାକ୍ଟ ପ୍ଲେୟାର- ଅର୍ଶଦ ଖାନ / ଏମ ସିଦ୍ଧାର୍ଥ।
