ନୂଆଦିଲ୍ଲୀ: ସଂରକ୍ଷଣର ସୁବିଧା ଯୋଗାଇବା ପାଇଁ କର୍ଣ୍ଣାଟକ ସରକାର ପଛୁଆ ବର୍ଗ (ଓବିସି) ରେ ମୁସଲମାନମାନଙ୍କୁ ଅନ୍ତର୍ଭୁକ୍ତ କରିଛନ୍ତି। ଜାତୀୟ ପଛୁଆ ଆୟୋଗ ଏକ ପ୍ରେସ ବିଜ୍ଞପ୍ତି ଜାରି କରି ଏହି ବିଷୟରେ ସୂଚନା ଦେଇଛନ୍ତି। ଆଜି କର୍ଣ୍ଣାଟକ ସରକାରୀ ତଥ୍ୟକୁ ଦର୍ଶାଇ ଏନସିବିସି ଏହା ନିଶ୍ଚିତ କରିଛି।
ନ୍ୟୁଜ୍ ଏଜେନ୍ସି ANI ଅନୁଯାୟୀ, ପଛୁଆ ବର୍ଗର ଜାତୀୟ ଆୟୋଗ କହିଛି ଯେ, କର୍ଣ୍ଣାଟକ ସରକାରଙ୍କ ତଥ୍ୟ ଅନୁଯାୟୀ କର୍ଣ୍ଣାଟକର ସମସ୍ତ ଜାତି ଏବଂ ସମ୍ପ୍ରଦାୟ ରାଜ୍ୟ ସରକାରଙ୍କ ଅଧୀନରେ ନିଯୁକ୍ତି ତଥା ଶିକ୍ଷାନୁଷ୍ଠାନରେ ସଂରକ୍ଷଣ ପାଇଁ ଓବିସି ତାଲିକାରେ ମୁସଲମାନମାନେ ସ୍ଥାନ ପାଇଛନ୍ତି। ଦ୍ୱିତୀୟ ଶ୍ରେଣୀ-ବି ଅଧୀନରେ କର୍ଣ୍ଣାଟକ ରାଜ୍ୟର ସମସ୍ତ ମୁସଲମାନଙ୍କୁ ଓବିସି ଭାବେ ବିବେଚନା କରାଯାଏ। ଆୟୋଗ କହିଛି ଯେ, ବର୍ଗ -୧ ରେ ୧୭ ଟି ମୁସଲମାନ ସମ୍ପ୍ରଦାୟକୁ ଓବିସି ଭାବରେ ବିବେଚନା କରାଯାଉଥିବାବେଳେ ବର୍ଗ-୨ ଏରେ ୧୯ ଟି ମୁସଲମାନ ସମ୍ପ୍ରଦାୟକୁ ଓବିସି ଭାବରେ ବିବେଚନା କରାଯାଇଛି।