ଭୁବନେଶ୍ବର: ଦଳ ବିରୋଧୀ କାର୍ଯ୍ୟ ପାଇଁ ବିଜେଡି ଦୁଇଜଣ ନେତାଙ୍କୁ ବହିସ୍କାର କରିଛି। କାରଣରେ କିଛି କୁହାଯାଇ ନ ଥିଲେ ମଧ୍ୟ ସେମାନେ ନିର୍ବାଚନ ସମୟରେ ଦଳକୁ ପୂର୍ଣ୍ଣ ମାତ୍ରାରେ ସାହାଯ୍ୟ କରୁ ନାହାଁନ୍ତି। ସେଥିପାଇଁ ଦଳର ସଭାପତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବୀକୃତି କ୍ରମେ ସେମାନଙ୍କୁ ଦଳର ବହିସ୍କାର କରାଯାଇଛି।
ଏ ନେଇ ଦଳର ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କ ଦସ୍ତଖତରେ ଏକ ନୋଟିସ ଜାରୀ କରାଯାଇଛି। ଏଥିରେ କୁହାଯାଇଛି ଯେ, ଦଳ ବିରୋଧୀ କାର୍ଯ୍ୟ ପାଇଁ କନ୍ଧମାଳ ଜିଲ୍ଲା ବିଜୁ ମହିଳା ଜନତା ଦଳର ସଭାପତି ଅନିମା କହଁର ଏବଂ କନ୍ଧମାଳ ବିଜେଡିର ସଂପାଦକ ରାଜେନ୍ଦ୍ର କହଁରଙ୍କୁ ବହିସ୍କାର କରାଯାଇଛି।
