ନୂଆଦିଲ୍ଲୀ: ଖରାପ ପାଗ ଯୋଗୁଁ ଲଣ୍ଡନରୁ ସିଙ୍ଗାପୁର ଅଭିମୁଖେ ଯାତ୍ରା କରୁଥିବା ସିଙ୍ଗାପୁର ଏୟାରଲାଇନ୍ସର ବିମାନରେଟର୍ବୁଲାନ୍ସ ଯୋଗୁଁ ଜଣଙ୍କର ମୃତ୍ୟୁ ଘଟିଥିବା ବେଳେ ୩୦ ଜଣ ଆହତ ହୋଇଛନ୍ତି। ରଏଟର୍ସ ରିପୋର୍ଟ ଅନୁଯାୟୀ, ସିଙ୍ଗାପୁର ଏୟାରଲାଇନ୍ସର ଅଧିକାରୀମାନେ କହିଛନ୍ତି ଯେ, ସିଙ୍ଗାପୁର ଏୟାରଲାଇନ୍ସର ବିମାନ SQ321 ହିଥ୍ରୋ ବିମାନବନ୍ଦରରୁ ସିଙ୍ଗାପୁର ଅଭିମୁଖେ ଯାତ୍ରା କରୁଥିବାବେଳେ ବିମାନ ଉଡ଼ାଣରେ ଟର୍ବୁଲାନ୍ସ ଦେଖାଦେଇଥିଲା। ଏହି କାରଣରୁ ବିମାନଟି ସ୍ଥାନୀୟ ସମୟ ଅପରାହ୍ନ 3: 45 ରେ ବ୍ୟାଙ୍କକକ୍ ରେ ଜରୁରୀକାଳୀନ ଅବତରଣ କରିବାକୁ ପଡିଥିଲା।
ଜରୁରୀକାଳୀନ ଅବତରଣ କରିବା ସମୟରେ ବୋଇଙ୍ଗ 777-300ER ବିମାନ 211 ଯାତ୍ରୀ ଏବଂ 18 ଜଣ କ୍ରୁ ସଦସ୍ୟଙ୍କ ସହ ଲଣ୍ଡନରୁ ସିଙ୍ଗାପୁର ଅଭିମୁଖେ ଯାତ୍ରା କରୁଥିଲେ।
ଏୟାର ଟର୍ବୁଲାନ୍ସ କ’ଣ?
ବାସ୍ତବରେ, ବିମାନ ଉଡ଼ାଣ ସମୟରେ ବାୟୁ ଚାପ ଏବଂ ଗତିର ହଠାତ୍ ପରିବର୍ତ୍ତନ ହେଲେ ଏୟାର ଟର୍ବୁଲାନ୍ସ କୁହାଯାଏ। ଏହି କାରଣରୁ, ବିମାନକୁ ଝଟକା ଲାଗେ ଏବଂ ଏହା ଆକାଶରେ ଉପର-ତଳ ହେବାକୁ ଲାଗେ। ଏୟାର ଟର୍ବୁଲାନ୍ସରେ ବିମାନରେ ବସିଥିବା ଯାତ୍ରୀମାନେ ଛୋଟ ଧକ୍କା ଠାରୁ ଆରମ୍ଭ କରି ଶକ୍ତିଶାଳୀ ଏବଂ ଦୀର୍ଘ ସମୟ ପର୍ଯ୍ୟନ୍ତ ଝଟକା ଅନୁଭବ କରିପାରନ୍ତି। ଏପରି ପରିସ୍ଥିତିରେ ବିମାନକୁ ନିୟନ୍ତ୍ରଣ କରିବା ଅତ୍ୟନ୍ତ କଷ୍ଟକର ହୋଇଯାଏ। ଏହି କାରଣରୁ ବିମାନଟି ଦୁର୍ଘଟଣା ମଧ୍ୟ ହୋଇପାରେ।