ନୂଆଦିଲ୍ଲୀ: ଭାରତ ନିର୍ବାଚନ ଆୟୋଗ ୨୦.୦୫.୨୦୨୪ ରେ ଦୁଇଟି ପ୍ରେସ୍ ନୋଟ୍ ଜାରି କରି ଚଳିତ ସାଧାରଣ ନିର୍ବାଚନ ୨୦୨୪ରେ ୪୯ଟି ସଂସଦୀୟ କ୍ଷେତ୍ର ପାଇଁ ପଞ୍ଚମ ପର୍ଯ୍ୟାୟରେ ୬୨.୨% ମତଦାନ ରେକର୍ଡ କରାଯାଇଛି ବୋଲି ସୂଚନା ଦେଇଛନ୍ତି। ପଞ୍ଚମ ପର୍ଯ୍ୟାୟ ପାଇଁ ଲିଙ୍ଗଭିତ୍ତିକ ମତଦାନ ସଂଖ୍ୟା ନିମ୍ନରେ ଦିଆଯାଇଛି:
| ଫେଜ୍ | ପୁରୁ | ମହିଳା | ତୃତୀୟ ଲିଙ୍ଗ | ମୋଟ୍ |
| ଫେଜ୍ ୫ | ୬୧.୪୮% | ୬୩.୦୦% | ୨୧.୯୬% | ୬୨.୨% |
ପଞ୍ଚମ ପର୍ଯ୍ୟାୟ ପାଇଁ ରାଜ୍ୟ ଓ ସଂସଦୀୟ କ୍ଷେତ୍ର ଭିତ୍ତିରେ ମତଦାନ ତଥ୍ୟ ଯଥାକ୍ରମେ ସାରଣୀ ୧ ଓ ୨ରେ ଦିଆଯାଇଛି। ସୂଚନାଯୋଗ୍ୟ, ଓଡ଼ିଶାର ୧୩- କନ୍ଧମାଳ ସଂସଦୀୟ କ୍ଷେତ୍ରର ଦୁଇଟି ମତଦାନ କେନ୍ଦ୍ରରେ ଆଜି ପୁନଃମତଦାନ ଶେଷ ହେବ ଏବଂ ପୁନଃମତଦାନ ପାଇଁ ତଥ୍ୟ ଅପଡେଟ୍ ହେବା ପରେ ସେହି ଅନୁଯାୟୀ ତଥ୍ୟ ଅପଡେଟ୍ ହୋଇପାରେ, ଯାହା କି ଭୋଟର ମତଦାନ ଆପରେ ଦେଖିବାକୁ ମିଳୁଛି। “ଅନ୍ୟ ଭୋଟରଙ୍କ” କ୍ଷେତ୍ରରେ ବ୍ଲାଙ୍କ୍ ସେଲ୍ ସେହି ବର୍ଗର କୌଣସି ପଞ୍ଜୀକୃତ ଭୋଟରଙ୍କୁ ସୂଚିତ କରେ ନାହିଁ। ଗୋଟିଏ ନିର୍ବାଚନ ମଣ୍ଡଳୀର ପ୍ରତ୍ୟେକ ମତଦାନ କେନ୍ଦ୍ର ପାଇଁ ଫର୍ମ ୧୭ସି ର ନକଲ ମଧ୍ୟ ପ୍ରାର୍ଥୀଙ୍କୁ ସେମାନଙ୍କ ପୋଲିଂ ଏଜେଣ୍ଟଙ୍କ ଜରିଆରେ ପ୍ରଦାନ କରାଯାଏ। ଫର୍ମ ୧୭ ସିର ବାସ୍ତବ ତଥ୍ୟ ବଳବତ୍ତର ରହିବ ଯାହା ପୂର୍ବରୁ ପ୍ରାର୍ଥୀମାନଙ୍କ ସହିତ ଅଂଶୀଦାର ହୋଇଛି। ପୋଷ୍ଟାଲ ବାଲଟ୍ ଗଣତି ଏବଂ ମୋଟ ଭୋଟ୍ ଗଣତିରେ ଏହାକୁ ଯୋଡ଼ିବା ସହିତ ଚୂଡ଼ାନ୍ତ ମତଦାନ କେବଳ ଗଣତି ପରେ ଉପଲବ୍ଧ ହେବ। ପୋଷ୍ଟାଲ ବାଲଟ୍ ରେ ସର୍ଭିସ ଭୋଟର, ଅନୁପସ୍ଥିତ ଭୋଟର (୮୫+, ପିଡବ୍ଲ୍ୟୁଡି, ଅତ୍ୟାବଶ୍ୟକ ସେବା ଇତ୍ୟାଦି) ଏବଂ ନିର୍ବାଚନ ଡ୍ୟୁଟିରେ ଥିବା ଭୋଟରଙ୍କୁ ଦିଆଯାଇଥିବା ପୋଷ୍ଟାଲ ବାଲଟ୍ ଅନ୍ତର୍ଭୁକ୍ତ। ବୈଧାନିକ ବ୍ୟବସ୍ଥା ଅନୁଯାୟୀ ଦୈନିକ ପ୍ରାପ୍ତ ପୋଷ୍ଟାଲ ବାଲାଟ୍ ର ହିସାବ ସମସ୍ତ ପ୍ରାର୍ଥୀଙ୍କୁ ପ୍ରଦାନ କରାଯାଏ।