ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋଳନ୍ଥରା ଥାନା ଅନ୍ତର୍ଗତ କନିଷି ରସ କାରଖାନା ସମ୍ମୁଖରେ ଅଜଣା ଟ୍ରକ୍ ଧକ୍କାରେ ଜ୍ଞାନରଥ ଚୌଧୁରୀ ନାମକ ଜଣେ ଯୁବକର ମୃତ୍ୟୁ ଘଟିଛି। ମୃତ ଜ୍ଞାନଙ୍କ ନିଜ ଘର ପାଟପୁର ଅଞ୍ଚଳରେ ହୋଇଥିବା ବେଳେ ନିଜ ମୋଟରସାଇକେଲ ଯୋଗେ ବ୍ରହ୍ମପୁରରୁ ଯାଉଥିବା ବେଳେ ଅଜଣା ଟ୍ରକ୍ ଧକ୍କାରେ ଘଟଣାସ୍ଥଳରେ ପ୍ରାଣ ହରାଇଥିବା ଜଣାପଡ଼ିଛି।
ସେହିଭଳି ଗୋଳନ୍ଥରା ଥାନା ନିକଟସ୍ଥ ଗୋବିନ୍ଦନଗର ଗ୍ରାମରୁ ଭାଲିଆଗଡ ସ୍କୁଟି ମୋଟରସାଇକେଲ ଯୋଗେ ଆସୁଥିବା ଏମ୍ ଅଶ୍ଵିନୀ କୁମାର ନାମକ ଜଣେ ଯୁବକ ମୁଣ୍ଡ ଉପରେ ଏକ ଗାଡି ଚଢିଯିବାରୁ ଘଟଣାସ୍ଥଳରେ ତା’ର ମୃତ୍ୟୁ ଘଟିଛି।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ଗାଡ଼ି ଜବତ କରିବା ସହ ଉଭୟଙ୍କ ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ଡାକ୍ତରଖାନାକୁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି।
Tags: ଗୋଳନ୍ଥରା ଥାନା, ଦୁର୍ଘଟଣା
