ଚିଲିକା (ସୀତାରାମ ଅଗ୍ରୱାଲ): ଚଳିତ ବର୍ଷ ୧୦ମ ଶ୍ରେଣୀ ବୋର୍ଡ ପରୀକ୍ଷାରେ ଦୁଇ ଯାଆଁଳା ଝିଅ ଆଶ୍ଚର୍ଯ୍ୟଜନକ ସଫଳତା ଲାଭ କରିଛନ୍ତି। ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ସୀଙ୍ଗେଶ୍ୱର୍ ଗ୍ରାମପଞ୍ଚାୟତର ଲମ୍ବୋଦରପୁର ଗ୍ରାମର କାର୍ତ୍ତିକ ସାହୁଙ୍କ ଯାଆଁଳା ଝିଅ ସମାନ ନମ୍ବର ରଖି ସମସ୍ତଙ୍କୁ ଚକିତ କରିଦେଇଛନ୍ତି। ୫୫୨ ଲେଖାଏଁ ନମ୍ବର ରଖି ଏ-୧ରେ ଉତ୍ତୀର୍ଣ୍ଣ ହୋଇଥିବା ଯାଆଁଳା ଭଉଣୀ ଦ୍ୱୟ ଏବେ ରାଜ୍ୟରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ସେମାନଙ୍କ ବିଷୟରେ ଜାଣିବା ପାଇଁ ରାଜ୍ୟର ସମସ୍ତ ଗଣମାଧ୍ୟମ ଉଭୟଙ୍କ ନିକଟକୁ ଦୌଡି ଆସିଛନ୍ତି।
ଦୁଇ ଭଉଣୀ କରିସ୍ମା ବିଶ୍ଵାଳ ଓ କରିନା ବିଶ୍ଵାଳ ବାଲୁଗାଁ ସରସ୍ୱତୀ ଶିଶୁ ମନ୍ଦିରର ଛାତ୍ରୀ ଅଟନ୍ତି। ଉଭୟଙ୍କ ମଧ୍ୟରେ ଅନେକ ସମୟରେ ପ୍ରତିଦ୍ୱନ୍ଦୀ ହେଉଥିଲେ ମଧ୍ୟ ୧୦ମ ଶ୍ରେଣୀ ବୋର୍ଡ ପରୀକ୍ଷାରେ ଉଭୟ ୫୫୨ ନମ୍ବର ରଖି ଉତ୍ତୀର୍ଣ୍ଣ ହେବା ଅତ୍ୟନ୍ତ ଖୁସିର କଥା ବୋଲି କରୀନା ଓ କରିଶ୍ମା ମତବ୍ୟକ୍ତ କରିଛନ୍ତି।
ଏହି ସଫଳତାର ଶ୍ରେୟ ନିଜର ପିତମାତା ଗୁରୁଜୀ ଗୁରୁମା ଓ ପ୍ରଧାନ ଆଚାର୍ଯ୍ୟଙ୍କୁ ଦେଇଛନ୍ତି। ତାଙ୍କ ମାଆ ଙ୍କ କହିବା ଅନୁଯାୟୀ କାରିନା ଓ କରିଷ୍ମା ଉଭୟ ଏକାଠି ଖାଆନ୍ତି, ଏକାଠି ପଢନ୍ତି ଏବଂ ଯେତେବେଳେ ଜଣଙ୍କୁ ଜ୍ଵର ହୁଏ, ସେତେବେଳେ ଆଉ ଜଣଙ୍କୁ ବି ଜ୍ଵର ହୁଏ ବୋଲି ମା’ କହିଛନ୍ତି। ପରିବାରର ବାପା ମାଆ, ମାମୁଁ ମାଇଁ, ମଉସା ମାଉସୀ, ଭାଇ ଓ ଶିଶୁମନ୍ଦିରର ସମସ୍ତ ଗୁରୁଜୀ ଗୁରୂମା ସମସ୍ତେ ଖୁସି ହେବା ସହ କରୀଷ୍ମା ଓ କରୀନାଙ୍କୁ ଆଶୀର୍ବାଦ ଦେଇଛନ୍ତି।