ନୂଆଦିଲ୍ଲୀ: ଭାରତ ସରକାରଙ୍କ ଆୟୁଷ ମନ୍ତ୍ରଣାଳୟର କେନ୍ଦ୍ରୀୟ ଯୋଗ ଓ ପ୍ରାକୃତିକ ଚିକିତ୍ସା ଗବେଷଣା ପରିଷଦ (ସିସିଆରଆରୱାଇଏନ) ଅଧୀନରେ ସଫଦରଜଙ୍ଗ ହସ୍ପିଟାଲରେ ଯୋଗ ଏବଂ ପ୍ରାକୃତିକ ଚିକିତ୍ସା ଓପିଡି ଏବଂ ଜୀବନଶୈଳୀ ହସ୍ତକ୍ଷେପ କେନ୍ଦ୍ର “ରୋଗୀ ଏବଂ ସ୍ୱାସ୍ଥ୍ୟସେବା ପ୍ରଦାନକାରୀଙ୍କ କଲ୍ୟାଣ ବୃଦ୍ଧି ପାଇଁ ଚିକିତ୍ସା ଅଭ୍ୟାସରେ ଯୋଗକୁ ସାମିଲ କରିବା” ଶୀର୍ଷକ ଏକ ଆଲୋଚନା ଚକ୍ର ସଫଳତାର ସହ ଆୟୋଜନ କରିଛି।
ଏହି ସେମିନାରରେ ଯୋଗ, ସ୍ୱାସ୍ଥ୍ୟସେବା ଏବଂ ଗବେଷଣା କ୍ଷେତ୍ରର ବିଶିଷ୍ଟ ବିଶେଷଜ୍ଞମାନଙ୍କୁ ଏକାଠି କରାଯାଇ ଚିକିତ୍ସା ପଦ୍ଧତିରେ ଯୋଗକୁ ଅନ୍ତର୍ଭୁକ୍ତ କରିବାର ବହୁମୁଖୀ ଲାଭ ବିଷୟରେ ଅନୁସନ୍ଧାନ କରିବା ପାଇଁ ମଞ୍ଚ ପ୍ରଦାନ କରାଯାଇଥିଲା।
ଡକ୍ଟର ସୁଜାତା ଜର୍ଜ ଯୋଗ ଏବଂ ପ୍ରାକୃତିକ ଚିକିତ୍ସା ବିଭାଗର ବରିଷ୍ଠ ପରାମର୍ଶଦାତା ଚିକିତ୍ସକ କହିଥିଲେ ଯେ ଏହି କାର୍ଯ୍ୟକ୍ରମରେ ସଫଦରଗଞ୍ଜ ହସ୍ପିଟାଲରେ ପ୍ରାୟତଃ ୮୫ଜଣ ଚିକିତ୍ସକ ଭାଗ ନେଇଥିଲେ। ଯେଉଁଥିରେ ଜୟନ୍ତୀ ମଣି ଅତିରିକ୍ତ ଚିକିତ୍ସା ଅଧିକ୍ଷକ ଆର.ପି. ଆରୋଡା ଏମ୍ସ୍, ଡ. ଗୌରବ ଅରୋଡା ଏମ୍ସ, ଏଲୋପାଥି ଡକ୍ଟର, ବାସିନ୍ଦା, ନସିଂ ଷ୍ଟାଫ ସ୍ୱାସ୍ଥ୍ୟ ସେବା ପ୍ରଶାସକ ଏବଂ ଆୟୁଷ ବିଭାଗର ଡାକ୍ତର ଉପସ୍ଥିତ ଥିଲେ।
ସେମିନାରର ମୁଖ୍ୟ ଆକର୍ଷଣ ଗୁଡ଼ିକ ହେଲା:
ଯୋଗର ଶାରୀରିକ ଏବଂ ମାନସିକ ଉପକାରିତା ବିଷୟରେ ପ୍ରମାଣ ଭିତ୍ତିକ ବୁଝାମଣା, ସିସିଆର ଆଇ ଏନର ନିର୍ଦ୍ଦେଶକ ଡ. ରାଗବେନ୍ଦ୍ର ରାଓଙ୍କ ପରି ସମ୍ମାନିତ ବକ୍ତାମାନେ ଉପସ୍ଥାପନ କରିଥିଲେ।
ଡାକ୍ତରୀ ପରିବେଶରେ ଯୋଗର ବ୍ୟବହାରକୁ ଅଧିକ ବୈଧ ଏବଂ ବିସ୍ତାର କରିବା ପାଇଁ ଗବେଷକ ଏବଂ ଚିକିତ୍ସକମାନଙ୍କ ମଧ୍ୟରେ ସହଯୋଗୀ ଗବେଷଣା ସୁଯୋଗ ଉପରେ ଆଲୋଚନା କରାଯାଇଥିଲା।
ସ୍ୱାସ୍ଥ୍ୟସେବା ପେସାଦାରମାନଙ୍କ ପାଇଁ ସୁସ୍ଥ ଜୀବନଶୈଳୀ ଅଭ୍ୟାସ ଏବଂ ଯୋଗ” ଶୀର୍ଷକ ଏକ ବ୍ୟାବହାରିକ ଅଧିବେଶନ, ଯେଉଁଥିରେ ବର୍ନଆଉଟକୁ ହ୍ରାସ କରିବାରେ ଏବଂ ସ୍ୱାସ୍ଥ୍ର୍ୟସେବା ପ୍ରଦାନ କ୍ଷେତ୍ର ମଧ୍ୟରେ ମାନସିକ ସ୍ୱାସ୍ଥ୍ୟରେ ସୁଧାର ପାଇଁ ଯୋଗର ମହତ୍ୱ ଉପରେ ଡ. ଅଥିରାୟ, କେ. ଆର୍. ଗୁୁରୁତ୍ୱ ନେଇ ଆଲୋକପାତ କରିଥିଲେ
ୱାଇ-ବ୍ରେକ ପଦକ୍ଷେପର ପ୍ରଚଳନ, ଆୟୁଷ ମନ୍ତ୍ରଣାଳୟ ଦ୍ୱାରା କର୍ମଚାରୀମାନଙ୍କ ମଧ୍ୟରେ ମାନସିକ ଏବଂ ଶାରୀରିକ ସ୍ୱାସ୍ଥ୍ୟକୁ ପ୍ରୋତ୍ସାହନ ଦେବା ହେତୁ କାର୍ଯ୍ୟସ୍ଥଳ ପାଇଁ ଡିଜାଇନ କରାଯାଇଥିବା ଗୋଟିଏ ଛୋଟ, ନିର୍ଦ୍ଦେଶିକ ଯୋଗ ପତ୍ର।
