କୁଜଙ୍ଗ: ଏରସମା ବ୍ଲକ କୁଞ୍ଜକୋଠୀ ପଞ୍ଚାୟତରେ ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି। ଦୁଇ ମାସର ନବଜାତ ଶିଶୁ ଏବେ ଯକୃତ ଜନିତ ରୋଗରେ ପୀଡିତ। ଏନେଇ ପିତା ବଳରାମ ପ୍ରଧାନ ଓ ମା’ ବନିତା ପ୍ରଧାନ ନବଜାତ ସନ୍ତାନର ଯକୃତ ପ୍ରତିରୋପଣ ପାଇଁ ଅର୍ଥ ସାଜିଛି ବାଧକ ବୋଲି କହିଛନ୍ତି।
ସୂଚନା ଅନୁସାରେ, କୁଞ୍ଜକୋଠି ଗ୍ରାମର ବଳରାମ ଓ ବନିତାଙ୍କ ନବଜାତ ଶିଶୁ ଗତ କିଛି ଦିନ ଧରି ଯକୃତ ଜନିତ ରୋଗରେ ପୀଡିତ ଥିବା ଜଣାପଡିଛି। ସେ ଏବେ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ଅଛନ୍ତି। ପ୍ରତି ସପ୍ତାହରେ ନବଜାତ ଶିଶୁର ଡ଼ାୟାଲିସିସ ଚାଲିଛି।
ବାପା ମା ‘ ଦିନ ମଜୁରିଆ ଭାବେ କାମ କରି ପରିବାର ପ୍ରତିପୋଷଣ କରୁଥିଲେ। ପୁତ୍ର ସନ୍ତାନର ଯକୃତ ଜନିତ ରୋଗରେ ପୀଡିତ ହେବା ପରେ ଯାହା କିଛି ପାଖରେ ସମ୍ବଳ ଥିଲା ସେ ସବୁ ଚିକିତ୍ସାରେ ଖର୍ଚ୍ଚ ହୋଇସାରିଛି। ଏବେ ଡାକ୍ତରଙ୍କ କହିବା ଅନୁଯାୟୀ ଯକୃତ ପ୍ରତିରୋପଣ ପାଇଁ ବ୍ୟୟ ବହୁଳ ଅର୍ଥ ଆବଶ୍ୟକ। ମାତ୍ର ଏହି ବ୍ୟୟ ବହୁଳ ଚିକିତ୍ସା ପାଇଁ ପାଖରେ ଅର୍ଥ ନ ଥିବାରୁ ଏବେ ବାପା ଓ ମା ଏବେ ଚିନ୍ତାରେ ପଡ଼ି ଯାଇଛନ୍ତି।
ଉକ୍ତ ନବଜାତ ଶିଶୁ ର ଚିକିତ୍ସା ପାଇଁ ସରକାରୀ କିମ୍ବା ବେସରକାରୀ ଭାବେ ସହାୟତା ଯୋଗାଇଦେବାକୁ ସମାଜସେବୀ ବବୁଲ ମଲ୍ଲିକ ଦାବି କରିଛନ୍ତି।