ନୂଆଦିଲ୍ଲୀ: ତିମୋର-ଲେଷ୍ଟେର ସର୍ବୋଚ୍ଚ ନାଗରିକ ସମ୍ମାନ ଗ୍ରାଣ୍ଡ କୋଲାର ଅଫ ଦ ଅର୍ଡରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସମ୍ମାନିତ ହୋଇଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଏକ ଟ୍ୱିଟ କରି ଗର୍ବ ଅନୁଭବ କରିଛନ୍ତି। ଭାରତ ଓ ତିମୋର-ଲେଷ୍ଟେ ମଧ୍ୟରେ ସମ୍ପର୍କ ଓ ପାରସ୍ପରିକ ସମ୍ମାନ କେତେ ଗଭୀର ତାହା ଏହି ପ୍ରତିଷ୍ଠିତ ସମ୍ମାନ ପ୍ରମାଣ କରୁଛି।
ତାଙ୍କ ଟ୍ୱିଟରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ତିମୋର-ଲେଷ୍ଟେର ଗ୍ରାଣ୍ଡ-କୋଲାର ଅଫ ଦ ଅର୍ଡରରେ ରାଷ୍ଟ୍ରପତି ଜୀ ସମ୍ମାନିତ ହେବା ଗର୍ବର ବିଷୟ। ଦୁଇ ଦେଶ ମଧ୍ୟରେ ଥିବା ଗଭୀର ସମ୍ପର୍କ ଓ ପାରସ୍ପରିକ ସମ୍ମାନର ଏହା ପ୍ରତିଫଳନ। ଅନେକ ବର୍ଷ ଧରି ଜନସାଧାରଣଙ୍କ ସେବା ଦିଗରେ ଥିବା ତାଙ୍କ ଅବଦାନକୁ ମଧ୍ୟ ଏହା ମାନ୍ୟତା ପ୍ରଦାନ କରୁଛି”।
