ନୂଆଦିଲ୍ଲୀ: ନୀରଜ ଚୋପ୍ରା ପୁଣି ଥରେ ଚମତ୍କାର କରିଛନ୍ତି। ସେ ମାତ୍ର ୧୪ ଦିନ ପରେ ପ୍ୟାରିସ ଅଲିମ୍ପିକ୍ସ ରେକର୍ଡ ଭାଙ୍ଗିଛନ୍ତି। ପ୍ୟାରିସ ଅଲିମ୍ପିକ୍ସରେ ନୀରଜ ୮୯.୪୫ ମିଟର ଥ୍ରୋ କରିଥିଲେ। ବର୍ତ୍ତମାନ ଲୋସାନେ ଡାଇମଣ୍ଡ ଲିଗରେ ସେ ୮୯.୪୯ ମିଟର ଜାଭେଲିନ୍ ଫିଙ୍ଗି ନିଜର ରେକର୍ଡ ଭାଙ୍ଗିଛନ୍ତି। ଲୋସାନେ ଡାଇମଣ୍ଡ ଲିଗରେ ନୀରଜ ସିଜିନର ଶ୍ରେଷ୍ଠ ଥ୍ରୋ କରିଥିଲେ।
ତେବେ ତାଙ୍କର ସର୍ବୋତ୍ତମ ଥ୍ରୋ ସହିତ ନୀରଜ ଲିଗରେ ଦ୍ୱିତୀୟ ସ୍ଥାନରେ ରହିଥିଲେ। ଗ୍ରେନାଡାର ଆଣ୍ଡରସନ୍ ପିଟର୍ସ ୯୦.୬୧ ମିଟର ଦୂରକୁ ଜାଭେଲିନ୍ ଫିଙ୍ଗି ପ୍ରଥମ ସ୍ଥାନ ଅଧିକାର କରିଥିଲେ। ପ୍ୟାରିସ ଅଲିମ୍ପିକ୍ସରେ ଆଣ୍ଡରସନ ପିଟର୍ସ ତୃତୀୟ ସ୍ଥାନରେ ରହି ବ୍ରୋଞ୍ଜ ପଦକ ଜିତିଥିବାବେଳେ ନୀରଜ ଦ୍ୱିତୀୟ ସ୍ଥାନ ଅଧିକାର କରି ରୌପ୍ୟ ପଦକ ଜିତିଛନ୍ତି।
