ଭୁବନେଶ୍ୱର: ଆଜି ପୁରୀ, ବ୍ରହ୍ମପୁର, ବଲାଙ୍ଗୀର, ରାଉଲକେଲା, ସମ୍ବଲପୁର, ଭୁବନେଶ୍ୱର ରେ ଥିବା ସମସ୍ତ ସାତୋଟି ସରକାରୀ ଆୟୁର୍ବେଦ ଓ ହୋମିଓପ୍ୟାଥିକ ଭେଷଜ ମହାବିଦ୍ୟାଳୟର ଛାତ୍ର ଛାତ୍ରୀ ଙ୍କୁ ନେଇ ଗଠିତ ରାଜ୍ୟର ଆୟୁଷ ଛାତ୍ର ସଂଗଠନ ପକ୍ଷରୁ ୨୪ ଘଣ୍ଟିଆ କଳା ଦିବସ ପାଳନ କରାଯାଉଛି। ପ୍ରତିବାଦ ସ୍ବରୂପ ରାଜ୍ୟର ସମସ୍ତ ସରକାରୀ ଆୟୁଷ କଲେଜ ଛାତ୍ର ଛାତ୍ରୀ ମାନେ କଳାବ୍ୟାଚ ପରିଧାନ କରି ପୂର୍ବ ସରକାରରେ ପୋଲିସ ନିର୍ଯ୍ୟାତନା ବିରୁଦ୍ଧରେ ପ୍ରତିବାଦ ସଭା କରିବେ।
ଏଥି ସହିତ ଆୟୁଷ ଛାତ୍ର ଛାତ୍ରୀ ଙ୍କ ଦୀର୍ଘ ଦିନର ଥିବା ଦାବୀ ଆୟୁଷ କଲେଜରେ ଛାତ୍ର ଛାତ୍ରୀ ଙ୍କ ଅଧ୍ୟୟନ ରେ ବ୍ୟାଘାତ ସୃଷ୍ଟି କରୁଥିବା ବିଭିନ୍ନ ମୌଳିକ ସମସ୍ୟା ଗୁଡିକର ତୁରନ୍ତ ସମାଧାନ, ହାଉସ ସର୍ଜନ ଙ୍କ ଭତ୍ତା ବୃଦ୍ଧି, ପ୍ରତିବର୍ଷ ଆୟୁଷ ଡାକ୍ତର ସ୍ଥାୟି ନିଯୁକ୍ତି ପାଇଁ ପଦକ୍ଷେପ,ଆୟୁଷ ଡ଼ିସ୍ପେନସାରି ବୃଦ୍ଧି, ସମସ୍ତ ଆୟୁଷ କଲେଜରେ ପିଜି ସିଟ ଉପଲବ୍ଧ ସହିତ ସିଟ ସଂଖ୍ୟା ବୃଦ୍ଧି ଆଦି ଦାବୀ ସମ୍ପର୍କରେ ରାଜ୍ୟ ସରକାର ପଦକ୍ଷେପ ନେବା ପାଇଁ ଆଜି ଏହି ଦିବସ ପାଳନ କରାଯାଇଛି।ଆୟୁଷ ପ୍ରଗତିରେ ଲାଗିରହିଥିବା ଏହି ମୌଳିକ ସମସ୍ୟାର ସମାଧାନ ପାଇଁ ନୂତନ ସରକାର ମଧ୍ୟ କୌଣସି ପ୍ରକାର ବିଧିବଦ୍ଧ ପଦକ୍ଷେପ ନେଇନାହାନ୍ତି।
ଗତ ସୋମବାର ଦିନ ମୁଖ୍ୟମନ୍ତ୍ରୀ ଙ୍କୁ ଅଭିଯୋଗ ପ୍ରକୋଷ୍ଠରେ ମିଶି ରାଜ୍ୟର ଆୟୁଷ ଛାତ୍ର ସଂସଦ ସଭାପତି ଡା ଶୁଭେନ୍ଦୁ କୁମାର ସାହୁ, ଉପସଭାପତି ଡା ନାଚିକେତା ଗୁପ୍ତା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଙ୍କୁ ରାଜ୍ୟରେ ଆୟୁଷ ର ବିପର୍ଯ୍ୟସ୍ତ ସ୍ଥିତି ସମ୍ପର୍କରେ ଆଲୋଚନା କରିଥିଲେ। ପ୍ରତିବର୍ଷ ଆୟୁଷ ସ୍ନାତକ ଡିଗ୍ରୀ ଧାରୀ ଡାକ୍ତର ନିଯୁକ୍ତି,ଆୟୁଷ ଛାତ୍ର ଛାତ୍ରୀ ଙ୍କ ମୌଳିକ ସମସ୍ୟାର ସମାଧାନ, ହାଉସ ଭତ୍ତା ବୃଦ୍ଧି, ପିଜି ସିଟ ଖୋଲିବା ନେଇ ଦାବୀ ରଖିଥିଲେ।ନିକଟରେ ଥିବା ସ୍ୱାସ୍ଥ୍ୟ ସଚିବ ଙ୍କୁ ଏହାର କପି ପ୍ରଦାନ କରିଥିଲେ। ଆଜି ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ଙ୍କୁ ମଧ୍ୟ ଦାବୀ ପତ୍ର ପ୍ରଦାନ କରାଯାଇଛି।
ନୂତନ ରାଜ୍ୟ ସରକାର ଉକ୍ତ ଦାବୀ ଗୁଡିକ ସମାଧାନ ନ ହେବା ପର୍ଯ୍ୟନ୍ତ ଆୟୁଷ କଲେଜରେ ନୂତନ ଭାବେ ଛାତ୍ର ଛାତ୍ରୀ ଙ୍କ ଆଡ ମିଶନ ବନ୍ଦ ରଖନ୍ତୁ । ଆଜି ଯେଉଁ ସବୁ ସମସ୍ୟା ଦେଇ ଆୟୁଷ ଛାତ୍ର ଛାତ୍ରୀ ମାନେ ଗତି କରୁଛନ୍ତି ଏବଂ ନିଜର ପରିଚୟ ସୃଷ୍ଟି କରିବା ପାଇଁ ସଂଘର୍ଷ କରୁଛନ୍ତି।ଯାହା ଫଳରେ ଶାରୀରିକ, ଆର୍ଥିକ ଓ ମାନସିକ ସ୍ତରରେ କ୍ଷୋଭ ଓ ଅସନ୍ତୋଷ ଦେଖାଦେଇଛି। ସେଇ ଭଳି ନୂତନ ମେଧାବୀ ଛାତ୍ର ଛାତ୍ରୀ ମାନେ ଆଡ଼ ମିଶନ କରି ଏହି ସମସ୍ୟା ଭୋଗ ନ କରନ୍ତୁ ବୋଲି ରାଜ୍ୟ ଆୟୁଷ ଛାତ୍ର ସଂସଦ ମୁଖ ପାତ୍ର ଗିରିଧାରୀ ବିଶ୍ୱାଳ, ସଭାପତି ଡା ଶୁଭେନ୍ଦୁ କୁମାର ସାହୁ ଓ ସମ୍ପାଦକ ସୁବ୍ରତ ସାମଲ ରାଜ୍ୟର ମୁଖ୍ୟମନ୍ତ୍ରୀ, ସ୍ୱାସ୍ଥ୍ୟ ବିଭାଗ ମନ୍ତ୍ରୀ କୁ ଅନୁରୋଧ କରିଛନ୍ତି।