ନୂଆଦିଲ୍ଲୀ: କର୍ଣ୍ଣାଟକରେ ପୋଲିସ ଇନ୍ସପେକ୍ଟର ଗିରଫ ହେବା ପରେ ରାଜ୍ୟ ରାଜନୀତିରେ ଏକ ବଡ଼ ଧରଣର ଉତ୍ତେଜନା ଦେଖାଦେଇଛି। ଏହି ସମଗ୍ର ବିଷୟ ହନିଟ୍ରାପ ଏବଂ ରାଜନୈତିକ ବିରୋଧୀଙ୍କୁ ଏଚ୍.ଆଇ.ଭି ସଂକ୍ରମିତ କରିବାର ଷଡଯନ୍ତ୍ର ସହିତ ଜଡିତ। ଗିରଫ ପୋଲିସ ଇନ୍ସପେକ୍ଟର ବିଜେପି ବିଧାୟକ ମୁନିରାତ୍ନା ନାଇଡୁଙ୍କ ସହ ମିଶି ଷଡଯନ୍ତ୍ର କରିଥିବା ଅଭିଯୋଗ ହୋଇଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ବିଜେପି ବିଧାୟକ ମୁନିରାତ୍ନା ନାଇଡୁ ଜଣେ ମହିଳାଙ୍କୁ ଉତ୍ପୀଡନ କରିବା ସହ ତାଙ୍କୁ ରାଜନୈତିକ ବିରୋଧୀଙ୍କୁ ହନିଟ୍ରାପରେ ବ୍ୟବହାର କରୁଥିବା ଅଭିଯୋଗ ହୋଇଛି। କର୍ଣ୍ଣାଟକ ପୋଲିସର ଏସଆଇଟି ଟିମ୍ ଏହି ସମଗ୍ର ମାମଲା ସହ ଜଡିତ ଦୁଇଟି ମାମଲାର ତଦନ୍ତ କରୁଛି। ଏସଆଇଟି ଅଭିଯୋଗ କରିଛି ଯେ, ରାଜରାଜଶ୍ଵରୀ ନଗର ବିଧାୟକ ନାଇଡୁ ଏବଂ ତାଙ୍କ ସହଯୋଗୀମାନଙ୍କୁ ହେବାଗୋଡି ଷ୍ଟେସନରେ ଥାନାର ଇନ୍ସପେକ୍ଟର ଅୟନା ରେଡ୍ଡୀ ହନିଟ୍ରାପରେ ସାହାଯ୍ୟ କରିଛନ୍ତି।
ମୁନିରତ୍ନା ନାଇଡୁଙ୍କ ଅୟନା ରେଡ୍ଡୀ ବିଶ୍ଵସ୍ତ ବୋଲି କୁହାଯାଉଛି। ଏସଆଇଟି ତାଙ୍କୁ ଗିରଫ କରିଥିଲା, ପରେ ତାଙ୍କର ଡାକ୍ତରୀ ପରୀକ୍ଷା କରାଯାଇଥିଲା। ତାଙ୍କୁ ଆଜି କୋର୍ଟରେ ହାଜର କରାଯିବ। ଅନ୍ୟପକ୍ଷରେ ବିଜେପି ବିଧାୟକ ମୁନିରାତ୍ନା ନାଇଡୁଙ୍କୁ ଏହି ମାମଲାରେ ଜାମିନ ମିଳିଛି। ଜଣେ ୪୦ ବର୍ଷ ବୟସ୍କା ସାମାଜିକ କର୍ମୀ ଅଭିଯୋଗ କରିଛନ୍ତି ଯେ, ବିଜେପି ବିଧାୟକ ତାଙ୍କୁ ବାରମ୍ବାର ଦୁଷ୍କର୍ମ କରି ହନିଟ୍ରାପରେ ବ୍ୟବହାର କରିଥିଲେ।
କର୍ଣ୍ଣାଟକ ବିଧାନସଭାରେ ବିଜେପି ନେତା ତଥା ବିରୋଧୀଦଳର ନେତା ଆର ଅଶୋକଙ୍କୁ ମଧ୍ୟ ଏସଆଇଟି ଡକାଇ ଥିବାରୁ ନାଇଡୁ ତାଙ୍କୁ ହନିଟ୍ରାପ କରିବା ସହ ତାଙ୍କୁ ଏଚ୍ଆଇଭି ସଂକ୍ରମିତ କରିବାକୁ ଚେଷ୍ଟା କରିଥିବା ଅଭିଯୋଗ ହୋଇଛି। ନିକଟରେ ଆର ଅଶୋକଙ୍କ ଏକ ଭିଡିଓ ମଧ୍ୟ ସାମ୍ନାକୁ ଆସିଥିଲା, ଯେଉଁଥିରେ ସେ ବିଜେପି ନେତା ତଥା କେନ୍ଦ୍ର ମନ୍ତ୍ରୀ ଭି ସୋମନ୍ନାଙ୍କ ସହ କଥାବାର୍ତ୍ତା ହୋଇଥିବା ଦେଖିବାକୁ ମିଳିଥିଲା। ଏଥିରେ ସେ ଦାବି କରିଛନ୍ତି ଯେ, ଏହି ମାମଲାରେ ଜଣେ ଅଭିଯୁକ୍ତ ତାଙ୍କୁ ଏଚଆଇଭି ସଂକ୍ରମିତ କରିବାର ଷଡଯନ୍ତ୍ର କରିଛନ୍ତି। ଆର ଅଶୋକ ଏହା ମଧ୍ୟ ଦାବି କରିଛନ୍ତି ଯେ, ଏହି ସୂଚନା ସାମ୍ନାକୁ ଆସିବା ପରେ ତାଙ୍କ ପରିବାର ତାଙ୍କୁ ଦେଶ ଛାଡିବାକୁ ପରାମର୍ଶ ଦେଇଛନ୍ତି।