ଟାଙ୍ଗୀ: ଖୋର୍ଦ୍ଧା ଜିଲ୍ଲା ଜାତୀୟ ରାଜପଥର କୟଥପଲ୍ଲା-ଜୟମଙ୍ଗପୁର ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଦୁଇଟି ଯାତ୍ରୀବାହୀ ବସ୍ ମଧ୍ୟରେ ଧକ୍କା ହୋଇ ୩୦ ରୁ ଉର୍ଦ୍ଧ୍ଵ ଯାତ୍ରୀ ଗୁରୁତର ଆହତ ହୋଇଛନ୍ତି।
ଆହତ ମାନଙ୍କୁ ଟାଙ୍ଗୀ ମେଡିକାଲରେ ଭର୍ତ୍ତି କରାଯାଇଛି। “ନମସ୍କାର” ଯାତ୍ରୀବାହୀ ବସ୍ କୁ “ବାଲୁଙ୍କେଶ୍ୱର” ନାମକ ଯାତ୍ରୀବାହୀ ବସ୍ ପଛ ପଟୁ ଧକ୍କା ଦେଇଥିଲା। ଉଭୟ ଯାତ୍ରୀବାହୀ ବସ୍ ଗଞ୍ଜାମରୁ ଭୁବନେଶ୍ୱର ଆସୁଥିଲେ। ଦୁହିଁଙ୍କ ମଧ୍ୟରେ ଆଗ-ପଛ ହୋଇ ଓଭର ଟେକ କରିବା କାରଣରୁ ଦୁର୍ଘଟଣା ହୋଇଥିବା କୁହାଯାଉଛି। ସାମାନ୍ୟ ଆହତମାନେ ଟାଙ୍ଗୀ ମେଡିକାଲରେ ଏବଂ ଗୁରୁତର ଆହତମାନଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି।
