ନୂଆଦିଲ୍ଲୀ: ଭାରତକୁ ଆମେରିକାର ପାଣ୍ଠି ଯୋଗାଇବାକୁ ନେଇ ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସ୍ଵାଲ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ, ଅନ୍ୟ କାହାକୁ ନିର୍ବାଚିତ ହେବା ପାଇଁ USAID ଭାରତକୁ ୨୧ ମିଲିୟନ ଡଲାର ପ୍ରଦାନ କରିବା ଏକ ଗୁରୁତର ବିଷୟ। ସେ କହିଛନ୍ତି ଯେ, ଭାରତର ଆଭ୍ୟନ୍ତରୀଣ ବ୍ୟାପାରରେ ବିଦେଶୀ ହସ୍ତକ୍ଷେପକୁ ନେଇ ଚିନ୍ତା ପ୍ରକଟ କରାଯାଉଛି ଏବଂ ସଂପୃକ୍ତ ବିଭାଗ ଏହାର ଅନୁସନ୍ଧାନ କରୁଛନ୍ତି।
ମୁଖପାତ୍ର ଆହୁରି ମଧ୍ୟ କହିଛନ୍ତି ଯେ, “ଆମେରିକା ପ୍ରଶାସନ ତରଫରୁ କିଛି କାର୍ଯ୍ୟକଳାପ ଏବଂ ପାଣ୍ଠି ବିଷୟରେ ମିଳିଥିବା ସୂଚନା ଅତ୍ୟନ୍ତ ଚିନ୍ତାଜନକ। ଏତେ ଶୀଘ୍ର ସର୍ବସାଧାରଣରେ ମନ୍ତବ୍ୟ ଦେବା ଠିକ ନୁହଁ, କିନ୍ତୁ ସରକାର ଏହାକୁ ବିଚାର କରୁଛନ୍ତି।”