ନବରଙ୍ଗପୁର: ନବରଙ୍ଗପୁର ଜିଲ୍ଲାର ଡାବୁ ଗାଁ ବ୍ଳକରେ ଦିବ୍ୟାଙ୍ଗ ଉପକରଣ ବଣ୍ଟନ ଶିବିର ଅନୁଷ୍ଠିତ ହୋଇଛି। ଆକାଂକ୍ଷୀ ବ୍ଳକ ଡାବୁ ଗାଁ ବ୍ଳକ ଓ ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତି କରଣ ବିଭାଗ ପକ୍ଷରୁ ଅନୁଷ୍ଠିତ ଏହି କାର୍ଯ୍ୟକ୍ରମରେ ସାମାଜିକ ସଶକ୍ତିକରଣ ବିଭାଗ ମନ୍ତ୍ରୀ ନିତ୍ୟାନନ୍ଦ ଗଣ୍ଡ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ଲୋକସଭା ସାଂସଦ ବଳଭଦ୍ର ମାଝୀ, ବିଧାୟକ ମନୋହର ରନ୍ଧାରୀ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ।
ଏଏଲଏମସିଆଇ (Artificial Limb manufacturing corporation of India) ପକ୍ଷରୁ ନିର୍ମିତ ଉପକରଣ ବଣ୍ଟନ କରାଯାଇଥିଲା। ୮୦ ପ୍ରତିଶତ ଅଧିକ ଦିବ୍ୟାଙ୍ଗ ଥିବା ବ୍ୟାଟେରୀ ଚାଳିତ ହ୍ଵିଲ ଚେୟାର, ଦୃଷ୍ଟି ବାଧିତଙ୍କ ପାଇଁ ସ୍ମାର୍ଟ ଫୋନ, ମାନସିକ ଭିନ୍ନକ୍ଷମ ଶିଶୁଙ୍କ ପାଇଁ Teaching and Learning material Kit, ସ୍ୱତନ୍ତ୍ର କୋମଡ଼ ଚେୟାର ଓ ଟ୍ରାଇ ସାଇକେଲ, ହ୍ଵିଲ ଚେୟାର, ୱାକିଙ୍ଗ ଷ୍ଟିକ ପ୍ରଦାନ କରାଯାଇଛି।
ଭାରତ ଓ ରାଜ୍ୟ ସରକାର ଦିବ୍ୟାଙ୍ଗ ଜନ ଙ୍କ ପାଇଁ ଅନେକ ଯୋଜନା ପ୍ରଣୟନ କରିଥିବା ବେଳେ ଅନ୍ତୋଦୟ ଗୃହ ଯୋଜନା ରେ ରାଜ୍ୟ ସରକାର ଙ୍କ ପକ୍ଷରୁ ଦିବ୍ୟାଙ୍ଗ ଜନ ଙ୍କୁ ଗୃହ ଯୋଗାଇବା ଏକ ଲୋକାଭିମୁଖୀ ଯୋଜନା। କରାଯାଇଛି। ୮୦ ପ୍ରତିଶତରୁ ଅଧିକ ଭିନ୍ନକ୍ଷମଙ୍କ ଭତ୍ତା ଟଙ୍କା ବୃଦ୍ଧି କରାଯାଇ ୩୫୦୦ ଟଙ୍କା କରାଯାଇଥିବା ମନ୍ତ୍ରୀ ଶ୍ରୀ ଗଣ୍ଡ ସୂଚନା ଦେଇଛନ୍ତି।
