ମୁମ୍ବାଇ: ସୂଚନା ଓ ପ୍ରସାରଣ ମନ୍ତ୍ରଣାଳୟ ଭାରତୀୟ ସଙ୍ଗୀତ ଶିଳ୍ପ ସହ ମିଳିତ ଭାବେ ଶୁକ୍ରବାର ୩୨ଟି ୱେଭ୍ସ- କ୍ରିଏଟ ଇନ୍ ଇଣ୍ଡିଆ ଚ୍ୟାଲେଞ୍ଜ ସିରିଜ୍ ମଧ୍ୟରୁ ଅନ୍ୟତମ ଥିମ୍ ମ୍ୟୁଜିକ୍ ପ୍ରତିଯୋଗୀତାର ବିଜେତାଙ୍କ ନାମ ଘୋଷଣା କରିଛି। ପ୍ରଥମ ୱାର୍ଲ୍ଡ ଅଡିଓ ଆଣ୍ଡ ଭିଡିଓ ଏଣ୍ଟରଟେନମେଣ୍ଟ ସମିଟ (ୱେଭ୍ସ ୨୦୨୫) ମେ ୧ ରୁ ୪ ପର୍ଯ୍ୟନ୍ତ ମୁମ୍ବାଇରେ ଅନୁଷ୍ଠିତ ହେବ।
ଭାରତର ବିବିଧ ସଙ୍ଗୀତ ପ୍ରତିଭାକୁ ଲୋକଲୋଚନକୁ ଆଣିବା ପାଇଁ ପ୍ରସ୍ତୁତ ହୋଇଥିବା ଏହି ପ୍ରତିଯୋଗିତାରେ ସାରା ଦେଶରୁ ଶତାଧିକ ଅଂଶଗ୍ରହଣକାରୀ ସାମିଲ୍ ହୋଇଥିଲେ। ବିଚାରକମଣ୍ଡଳୀ ୬ ଜଣ ବିଜେତାଙ୍କୁ ସେମାନଙ୍କର ମୌଳିକତା, ସଙ୍ଗୀତ ଦକ୍ଷତା ଏବଂ ୱେଭ୍ସ ବିଷୟବସ୍ତୁ ସହିତ ସାମଞ୍ଜସ୍ୟତାର କଠୋର ମୂଲ୍ୟାଙ୍କନ ପରେ ଚୟନ କରିଥିଲେ।
ପ୍ରତିଯୋଗିତାର ବିଚାରକ ମଣ୍ଡଳୀରେ ଭାରତୀୟ ସଙ୍ଗୀତ ଜଗତର ଜଣାଶୁଣା ନାମ: ସୋମେଶ କୁମାର ମାଥୁର – ହିନ୍ଦୁସ୍ତାନୀ ଶାସ୍ତ୍ରୀୟ କଣ୍ଠଶିଳ୍ପୀ ଏବଂ ମେଣ୍ଟର; ସନ୍ଦୀପ ବାକ୍ଚୁ– ପ୍ଲେବ୍ୟାକ୍ ସିଙ୍ଗର ତଥା ଟଲିଉଡ ଅଭିନେତା; ଗୁଲରାଜ ସିଂ – ବଲିଉଡର ସଙ୍ଗୀତକାର ଏବଂ ସଙ୍ଗୀତ ପ୍ରଯୋଜକ ରହିଥିଲେ।
କୋଲକାତାର କୁନାଲ୍ କୁଣ୍ଡୁ ଓ ଆଲାପ ସରଦାର ଥିମ ସଙ୍ଗୀତ ପ୍ରତିଯୋଗୀତାର ବିଜେତା ହୋଇଛନ୍ତି। ମୁମ୍ବାଇର ବିବେକ ଦୁବେ ଓ କୋଏମ୍ବାଟୁରର ଭବଗଣେଶ ଥାମ୍ବ୍ରିଆନକୁ ଯଥାକ୍ରମେ ୧ମ ରନର୍ସ ଅପ୍ ଓ ୨ୟ ରନର୍ସ ଅପ୍ ଭାବରେ ଘୋଷଣା କରାଯାଇଛି। ସେହିପରି ଚେନ୍ନାଇର ଜୟନାଥନ୍ ଆରଙ୍କୁ ୩ୟ ରନର୍ସ ଅପ୍ ଭାବରେ ଓ ଦ୍ବିତୀୟ କମ୍ପୋଜିସନ ନିମନ୍ତେ ଜୟନାଥନ ଆରଙ୍କୁ ୪ର୍ଥ ରନର୍ସ ଅପ୍ ବିବେଚିତ କରାଯାଇଛି। ଏହି ପ୍ରତିଯୋଗୀତାରେ ପୁନେର ଦୀପ ଜୟେଶ ଦବାରେ ୫ମ ରନର୍ସ ଅପ୍ ହୋଇଛନ୍ତି।
ମେ ୧ରୁ ୪, ୨୦୨୫ ପର୍ଯ୍ୟନ୍ତ ମହାରାଷ୍ଟ୍ରର ମୁମ୍ବାଇଠାରେ ଭାରତ ସରକାରଙ୍କ ଦ୍ୱାରା ଗଣମାଧ୍ୟମ ଏବଂ ମନୋରଞ୍ଜନ (ଏମ୍ ଆଣ୍ଡଇ) କ୍ଷେତ୍ର ପାଇଁ ଏକ ମାଇଲଖୁଣ୍ଟ ଇଭେଣ୍ଟ ପ୍ରଥମ ବିଶ୍ୱ ଅଡିଓ ଭିଜୁଆଲ୍ ଆଣ୍ଡ ଏଣ୍ଟରଟେନମେଣ୍ଟ୍ ସମିଟ (ୱେଭ୍ସ) ଆୟୋଜନ କରାଯିବ।
ଆପଣ ଜଣେ ଶିଳ୍ପ ପେସାଦାର, ନିବେଶକ, ନିର୍ମାତା କିମ୍ବା କ୍ରିଏଟର ହୁଅନ୍ତୁ, ଶିଖର ସମ୍ମିଳନୀ ଏମ ଆଣ୍ଡଇ ପରିଦୃଶ୍ୟକୁ ସଂଯୋଗ କରିବା, ସହଯୋଗ କରିବା, ଉଦ୍ଭାବନ କରିବା ଏବଂ ଯୋଗଦାନ କରିବା ପାଇଁ ଏକ ଉତ୍କୃଷ୍ଟ ବୈଶ୍ୱିକ ପ୍ଲାଟଫର୍ମ ପ୍ରଦାନ କରେ।
ୱେଭ୍ସ ଭାରତର ସୃଜନଶୀଳ ଶକ୍ତିକୁ ବୃଦ୍ଧି କରିବ ଏବଂ ବିଷୟବସ୍ତୁ ସୃଷ୍ଟି, ବୌଦ୍ଧିକ ସମ୍ପତ୍ତି ଏବଂ ବୈଷୟିକ ଅଭିନବତାର ଏକ କେନ୍ଦ୍ର ଭାବରେ ଏହାର ସ୍ଥିତିକୁ ବଢ଼ାଇବ। ବ୍ରଡକାଷ୍ଟିଂ, ପ୍ରିଣ୍ଟ ମିଡିଆ, ଟେଲିଭିଜନ, ରେଡିଓ, ଫିଲ୍ମ, ଆନିମେସନ, ଭିଜୁଆଲ ଇଫେକ୍ଟସ, ଗେମିଂ, କମିକ୍ସ, ସାଉଣ୍ଡ ଆଣ୍ଡ ମ୍ୟୁଜିକ୍, ବିଜ୍ଞାପନ, ଡିଜିଟାଲ ମିଡିଆ, ସୋସିଆଲ ମିଡିଆ ପ୍ଲାଟଫର୍ମ, ଜେନେରେଟିଭ ଏଆଇ, ଏଅଗମେଣ୍ଟେଡ ଆରଏଲିଟି (ଏଆର), ଭର୍ଚୁଆଲ୍ ରିଆଲିଟି (ଭିଆର) ଏବଂ ଏକ୍ସଟେଣ୍ଡେଡ୍ ରିଆଲିଟି (ଏକ୍ସଆର) ଉପରେ ଧ୍ୟାନ ପ୍ରଦାନ କରାଯାଇଛି।