Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଆଜିର ଖବର»ଦେଶର ବୃହତ୍ତମ ଅଟୋମୋବାଇଲ ଗତିଶକ୍ତି ମଲଟି-ମୋଡାଲ କାର୍ଗୋ ଟର୍ମିନାଲ ଉଦଘାଟନ କଲେ କେନ୍ଦ୍ର ରେଳମନ୍ତ୍ରୀ
ଆଜିର ଖବର

ଦେଶର ବୃହତ୍ତମ ଅଟୋମୋବାଇଲ ଗତିଶକ୍ତି ମଲଟି-ମୋଡାଲ କାର୍ଗୋ ଟର୍ମିନାଲ ଉଦଘାଟନ କଲେ କେନ୍ଦ୍ର ରେଳମନ୍ତ୍ରୀ

June 17, 2025No Comments4 Mins Read
Share Facebook Twitter LinkedIn Email WhatsApp Copy Link

ନୂଆଦିଲ୍ଲୀ: କେନ୍ଦ୍ର ରେଳ, ସୂଚନା ଓ ପ୍ରସାରଣ, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରୀ ଅଶ୍ବିନୀ ବୈଷ୍ଣବ ଆଜି ହରିୟାଣାର ମାନେସରଠାରେ ଥିବା ମାରୁତି ସୁଜୁକୀ ଇଣ୍ଡିଆ ଲିମିଟେଡଠାରେ ଦେଶରେ ବୃହତ୍ତମ ଅଟୋମୋବାଇଲ ଗତି ଶକ୍ତି ମଲଟି-ମୋଡାଲ କାର୍ଗୋ ଟର୍ମିନାଲର ଉଦଘାଟନ କରିଛନ୍ତି।

ମାରୁତି ସୁଜୁକିର ମାନେସର ପ୍ଲାଣ୍ଟରେ ଗତି ଶକ୍ତି କାର୍ଗୋ ଟର୍ମିନାଲ ଅଟୋମୋବାଇଲ ପରିବହନର ଲଜିଷ୍ଟିକ୍ସ ଦକ୍ଷତାକୁ ଉଲ୍ଲେଖନୀୟ ଭାବରେ ବୃଦ୍ଧି କରିବ। ମାନେସରରେ ଥିବା ପ୍ଲାଣ୍ଟଟି ପାଟଲି ରେଳ ଷ୍ଟେସନ ସହିତ ୧୦ କିଲୋମିଟର ଡେଡିକେଟେଡ୍ ରେଳ ଲିଙ୍କ୍ ମାଧ୍ୟମରେ ସଂଯୁକ୍ତ, ଯାହା ହରିୟାଣା ରେଳ ଭିତ୍ତିଭୂମି ବିକାଶ ନିଗମ (ଏଚଆରଆଇଡିସି) ଦ୍ୱାରା ବିକଶିତ ୧୨୧.୭ କିଲୋମିଟର ଲମ୍ବ ହରିୟାଣା ଅର୍ବିଟାଲ୍ ରେଳ କରିଡରର ଏକ ଅଂଶ। ଏହି ୧୦ କିଲୋମିଟର ଲିଙ୍କ୍ ନିର୍ମାଣରେ ୮୦୦ କୋଟି ଟଙ୍କା ନିବେଶ ହୋଇଥିଲା, ଯେଉଁଥିରେ ଏଚଆରଆଇଡିସି ୬୮୪ କୋଟି ଟଙ୍କାର ଅବଦାନ ଦେଇଥିଲା ଏବଂ ବାକି ପରିମାଣ ମାରୁତି ସୁଜୁକି ଦ୍ୱାରା ଯୋଗାଇ ଦିଆଯାଇଥିଲା। ଏହି ଗତି ଶକ୍ତି କାର୍ଗୋ ଟର୍ମିନାଲର ଲୋଡିଂ କ୍ଷମତା ବାର୍ଷିକ ୪.୫ ଲକ୍ଷ ଅଟୋମୋବାଇଲ, ଯାହାକି ଦେଶରେ ସର୍ବାଧିକ।

ଏହି ସମାବେଶକୁ ସମ୍ବୋଧିତ କରି ରେଳମନ୍ତ୍ରୀ ଗତ ଦଶନ୍ଧିରେ ଭାରତୀୟ ରେଳବାଇରେ ହୋଇଥିବା ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଉପରେ ଆଲୋକପାତ କରିଥିଲେ। ସେ କହିଥିଲେ, “୨୦୧୪ ପୂର୍ବରୁ, ରେଳବାଇର ବାର୍ଷିକ ବଜେଟ୍ ପ୍ରାୟ ୨୪,୦୦୦ ରୁ ୨୫,୦୦୦ କୋଟି ଟଙ୍କା ଥିଲା, ଏବେ ଏହା ୨.୫ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଛି। ପୂର୍ବରୁ ଅନେକ ଷ୍ଟେସନ ଏବଂ କୋଚରେ ଶୌଚାଳୟ ଭଳି ମୌଳିକ ଯାତ୍ରୀ ସୁବିଧାର ଅଭାବ ଥିଲା। ଗତ ଅଢ଼େଇ ବର୍ଷ ମଧ୍ୟରେ, ସାଧାରଣ କୋଚ ସଂଖ୍ୟା ବୃଦ୍ଧି କରିବା ପାଇଁ ଏକ ସ୍ବତନ୍ତ୍ର ଅଭିଯାନ ଆରମ୍ଭ କରାଯାଇଛି। ଗତ ବର୍ଷ ହିଁ ୧୨୦୦ରୁ ଅଧିକ ସାଧାରଣ କୋଚ ଯୋଡାଯାଇଛି।”

ଅଶ୍ୱିନୀ ବୈଷ୍ଣବ କହିଛନ୍ତି ଯେ ସମ୍ପ୍ରତି ଯାତ୍ରୀବାହୀ ଟ୍ରେନ୍ ସେବାକୁ ଉନ୍ନତ କରିବା ପାଇଁ ଏକ ବଡ଼ ନିଷ୍ପତ୍ତି ନିଆଯାଇଛି। ବର୍ତ୍ତମାନ ୧୦୦ ରୁ ଅଧିକ ମେମୁ ଟ୍ରେନର କ୍ଷମତା ବୃଦ୍ଧି କରାଯିବ – ସେଗୁଡ଼ିକରେ ଥିବା କୋଚ ସଂଖ୍ୟା ୮ ରୁ ୧୨ରୁ ବୃଦ୍ଧି କରି ୧୬ ରୁ ୨୦ କୋଚ କରାଯିବ – ଯାହାକୁ କମ ଦୂରତା ଯାଉଥିବା ଯାତ୍ରୀମାନଙ୍କୁ ବହୁତ ଲାଭ ଦେବ। ୧୦୦ ରୁ ଅଧିକ ମେମୁ ଟ୍ରେନ୍ ନିର୍ମାଣ ପାଇଁ ଆନ୍ଧ୍ରପ୍ରଦେଶର କାଜିପେଟରେ ଏକ ନୂତନ କାରଖାନା ସ୍ଥାପନ କରାଯାଇଛି।

ନମୋ ଭାରତ ଟ୍ରେନର ସଫଳ ଶୁଭାରମ୍ଭ ବିଷୟରେ ସେ କହିଛନ୍ତି, “ଏବେ ଚାଲୁଥିବା ଦୁଇଟି ନମୋ ଭାରତ ଟ୍ରେନ ପ୍ରତି ଜନସାଧାରଣଙ୍କ ସକାରାତ୍ମକ ପ୍ରତିକ୍ରିୟା ଦ୍ୱାରା ଉତ୍ସାହିତ ହୋଇ, ଆମେ ବର୍ଦ୍ଧିତ ଯାତ୍ରୀ ଚାହିଦା ପୂରଣ କରିବା ପାଇଁ ୫୦ଟି ନୂତନ ନମୋ ଭାରତ ଟ୍ରେନ ସୃଷ୍ଟି କରିବାକୁ ନିଷ୍ପତ୍ତି ନେଇଛୁ।”

ଯାତ୍ରୀ ଏବଂ ମାଲ ପରିବହନ କ୍ଷେତ୍ରରେ ଶ୍ରୀ ବୈଷ୍ଣବ କହିଛନ୍ତି, “ଭାରତୀୟ ରେଳବାଇ ୨୦୨୩-୨୪ଆର୍ଥିକ ବର୍ଷରେ ପ୍ରାୟ ୭୨୦ କୋଟି ଯାତ୍ରୀ ଏବଂ ୧୬୧୭ ନିୟୁତ ଟନ୍ ମାଲ ପରିବହନ କରିଥିଲା। ଏହି ପ୍ରଦର୍ଶନ ଭାରତୀୟ ରେଳବାଇକୁ ବିଶ୍ୱ ସ୍ତରରେ ଦ୍ୱିତୀୟ ସର୍ବାଧିକ ମାଲ ପରିବହନ ପରିମାଣ ହାସଲ କରିବାରେ ସାହାଯ୍ୟ କରିଥିଲା, ଯାହା ୨୦୨୩-୨୪କୁ ଏକ ଐତିହାସିକ ବର୍ଷ କରିଦେଇଛି।”

ଯାତ୍ରୀ ସୁବିଧା ବିଷୟରେ ଉଲ୍ଲେଖ କରି ଶ୍ରୀ ବୈଷ୍ଣବ ତତ୍କାଳ ଟିକେଟ ବୁକିଂରେ ଏକ ଗୁରୁତ୍ୱପୂର୍ଣ୍ଣ ସଂସ୍କାର ଘୋଷଣା କରିଛନ୍ତି, ଯାହା ୧ ଜୁଲାଇ ୨୦୨୫ରୁ କାର୍ଯ୍ୟକାରୀ ହେବ। ସେ କହିଛନ୍ତି, “ନୂତନ ନିୟମ ଅନୁଯାୟୀ, ବୁକିଂ ୱିଣ୍ଡୋର ପ୍ରଥମ ୩୦ ମିନିଟ୍ ମଧ୍ୟରେ କେବଳ ଆଧାର-ପ୍ରମାଣିତ ଏବଂ କେଓ୍ବାଇସି-ଯାଞ୍ଚ ହୋଇଥିବା ବ୍ୟବହାରକାରୀଙ୍କୁ ତତ୍କାଳ ଟିକେଟ ବୁକ୍ କରିବାକୁ ଅନୁମତି ଦିଆଯିବ। ଏହି ପଦକ୍ଷେପ ନିଶ୍ଚିତ କରିବ ଯେ ଟିକେଟ କେବଳ ପ୍ରକୃତ ଯାତ୍ରୀଙ୍କ ପାଇଁ ଉପଲବ୍ଧ।”

ସେ ବିକାନେର ଡିଭିଜନରେ ଚାଲିଥିବା ଏକ ପାଇଲଟ୍ ପ୍ରୋଜେକ୍ଟ ବିଷୟରେ ମଧ୍ୟ କହିଥିଲେ ଯେଉଁଠାରେ ଯାତ୍ରୀ ସଂରକ୍ଷଣ ଚାର୍ଟଗୁଡ଼ିକ ଏବେ ଟ୍ରେନ୍ ଛାଡିବାର ୪ ଘଣ୍ଟା ପୂର୍ବରୁ ପ୍ରସ୍ତୁତ କରାଯାଉଥିଲା, ଯାହା ଏବେ ୨୪ ଘଣ୍ଟା ପୂର୍ବରୁ ପ୍ରସ୍ତୁତ କରାଯାଉଛି। ଏହି ପଦକ୍ଷେପ ନାଗରିକ ଏବଂ ଜନପ୍ରତିନିଧିମାନଙ୍କଠାରୁ ବହୁତ ସକାରାତ୍ମକ ପ୍ରତିକ୍ରିୟା ପାଇଛି ଏବଂ ଏହା ଯାତ୍ରା ଅଭିଜ୍ଞତାରେ ଯଥେଷ୍ଟ ଉନ୍ନତି ଆଣିବ ବୋଲି ଆଶା କରାଯାଉଛି।

ଅମୃତ ଭାରତ ଟ୍ରେନ ପ୍ରଚଳନ ବିଷୟରେ ଆଲୋଚନା କରି ରେଳମନ୍ତ୍ରୀ କହିଛନ୍ତି, “ବର୍ତ୍ତମାନ ତିନୋଟି ଅମୃତ ଭାରତ ଟ୍ରେନ ଚାଲୁଅଛି ଏବଂ ଏଗୁଡ଼ିକୁ ନେଇ ଜନସାଧାରଣଙ୍କଠାରୁ ସକାରାତ୍ମକ ପ୍ରତିକ୍ରିୟା ମିଳିଛି। ଆଗାମୀ ଦିନରେ ଆହୁରି ଛଅଟି ଅମୃତ ଭାରତ ଟ୍ରେନ ପ୍ରଚଳନ କରାଯିବ। ଏହା ବ୍ୟତୀତ, ଆହୁରି ୫୦ଟି ଟ୍ରେନ ତିଆରି ଚାଲିଛି ଏବଂ ଏହା ପରେ ଆହୁରି  କେତେକ ବ୍ୟାଚ୍ ଆସିବ।”

ହରିୟାଣାର ବିକାଶ ବିଷୟରେ ଆଲୋଚନା କରି ଶ୍ରୀ ବୈଷ୍ଣବ କହିଛନ୍ତି ଯେ ୨୦୧୪ ପୂର୍ବରୁ, ରାଜ୍ୟ ପାଇଁ ବାର୍ଷିକ ରେଳ ବଜେଟ ଆବଣ୍ଟନ ମାତ୍ର ୩୦୦ କୋଟି ଟଙ୍କା ଥିଲା। ସେ କହିଛନ୍ତି, “ଏହି ବର୍ଷ, ହରିୟାଣାକୁ ୩୪୧୬ କୋଟି ଟଙ୍କାର ରେକର୍ଡ ଆବଣ୍ଟନ ମିଳିଛି। ଗତ ୧୧ ବର୍ଷ ମଧ୍ୟରେ, ରାଜ୍ୟରେ ୮୨୩ କିଲୋମିଟର ନୂତନ ରେଳ ଲାଇନ ବିଛାଯାଇଛି ଏବଂ ହରିୟାଣାର ୧୦୦ ପ୍ରତିଶତ ରେଳ ନେଟୱାର୍କ ବର୍ତ୍ତମାନ ବିଦ୍ୟୁତୀକରଣ କରାଯାଇଛି।”

ଚାଲିଥିବା ଭିତ୍ତିଭୂମି ନିବେଶ ଉପରେ ଆଲୋକପାତ କରି ମନ୍ତ୍ରୀ କହିଛନ୍ତି, “ବର୍ତ୍ତମାନ, ହରିୟାଣାରେ ୧୧,୮୦୦ କୋଟି ଟଙ୍କାର ପ୍ରକଳ୍ପ ଚାଲିଛି। ଅମୃତ ଭାରତ ଷ୍ଟେସନ ଯୋଜନା ଅଧୀନରେ ୩୪ଟି ରେଳ ଷ୍ଟେସନର ପୁନଃବିକାଶ ଚାଲିଛି। ଏହା ବ୍ୟତୀତ, ରାଜ୍ୟର ରେଳ ନେଟୱାର୍କରେ ୫୪୦ଟି ରୋଡ୍ ଓଭରବ୍ରିଜ୍ ଏବଂ ଅଣ୍ଡରପାସ୍ ନିର୍ମାଣ କରାଯାଇଛି।”

ଶ୍ରୀ ବୈଷ୍ଣବ ଏହା ମଧ୍ୟ ଉଲ୍ଲେଖ କରିଥିଲେ ଯେ ସୋନିପତରେ ରେଳ କୋଚ୍ ଫ୍ୟାକ୍ଟ୍ରିର ଆଧୁନିକୀକରଣ କରାଯାଉଛି। ସେ କହିଛନ୍ତି, “ଉନ୍ନତ କାରଖାନା ଖୁବ୍ ଶୀଘ୍ର ଉଦଘାଟନ ପାଇଁ ପ୍ରସ୍ତୁତ ହେବ ଏବଂ ଆମର କୋଚ୍ ଉତ୍ପାଦନ କ୍ଷମତା ବୃଦ୍ଧି କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।”

ଏହି କାର୍ଯ୍ୟକ୍ରମରେ ହରିୟାଣା ମୁଖ୍ୟମନ୍ତ୍ରୀ ନାୟବ ସିଂହ ସାଇନି, ରାଜ୍ୟ ଶିଳ୍ପ ମନ୍ତ୍ରୀ ରାଓ ନରବୀର ସିଂହ, ବିଧାୟକ ମୁକେଶ ଶର୍ମା ଏବଂ ମାରୁତି ସୁଜୁକି ଇଣ୍ଡିଆ ଲିମିଟେଡର ସିଇଓ ଏବଂ ପରିଚାଳନା ନିର୍ଦ୍ଦେଶକ ହିସାଶି ଟାକେଉଚି ପ୍ରମୁଖ ଉପସ୍ଥିତ ଥିଲେ।

ଅଟୋମୋବାଇଲ ଅଶ୍ବିନୀ ବୈଷ୍ଣବ କାର୍ଗୋ ଟର୍ମିନାଲ କେନ୍ଦ୍ର ରେଳମନ୍ତ୍ରୀ ମାନେସର ମାରୁତି ସୁଜୁକୀ ଇଣ୍ଡିଆ ଲିଃ ରେଳ ମନ୍ତ୍ରଣାଳୟ
Share. Facebook Twitter LinkedIn Email WhatsApp Copy Link

Related Posts

ରାଶିଫଳ: ଆଜି ଅଗଷ୍ଟ ୪ ତାରିଖ ସୋମବାରରେ ଚାରୋଟି ରାଶି ପାଇଁ ରହିଛି ବେଶ୍ ଖୁସି ଖବର

August 4, 2025

ଭୁବନେଶ୍ବରରେ ପହଞ୍ଚିଲା ବଳଙ୍ଗା ପିଡିତାଙ୍କ ମୃତ ଦେହ, କଡା ସୁରକ୍ଷା ମଧ୍ୟରେ ନିଆଗଲା ବାୟାବର

August 4, 2025

ଆଜି ରାତିରେ ଆସିବ ବଳଙ୍ଗା ପିଡିତାଙ୍କ ମୃତ ଦେହ, ବିମାନ ବନ୍ଦରରେ ପୋଲିସ ଛାଉଁଣି

August 3, 2025

ସମୁଦ୍ରରେ ନିଖୋଜ ୪ ମତ୍ସ୍ୟଜୀବୀଙ୍କୁ ଉଦ୍ଧାର ପାଇଁ ବ୍ୟାପକ ତଲାସୀ ଅଭିଯାନ

August 3, 2025
Latest News

ରାଶିଫଳ: ଆଜି ଅଗଷ୍ଟ ୪ ତାରିଖ ସୋମବାରରେ ଚାରୋଟି ରାଶି ପାଇଁ ରହିଛି ବେଶ୍ ଖୁସି ଖବର

August 4, 2025

ଭୁବନେଶ୍ବରରେ ପହଞ୍ଚିଲା ବଳଙ୍ଗା ପିଡିତାଙ୍କ ମୃତ ଦେହ, କଡା ସୁରକ୍ଷା ମଧ୍ୟରେ ନିଆଗଲା ବାୟାବର

August 4, 2025

ଆଜି ରାତିରେ ଆସିବ ବଳଙ୍ଗା ପିଡିତାଙ୍କ ମୃତ ଦେହ, ବିମାନ ବନ୍ଦରରେ ପୋଲିସ ଛାଉଁଣି

August 3, 2025

ବଳଙ୍ଗା ନାବାଳିକା ପୋଡ଼ି ଘଟଣାରେ ରାଷ୍ଟ୍ରୀୟ ମହିଳା କଂଗ୍ରେସ ସଭାନେତ୍ରୀ ଅଳକା ଲାମ୍ବା ଦିଲ୍ଲୀରେ କହିଲେ……

August 3, 2025

ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ କେନ୍ଦୁଝର ଗସ୍ତ, ଜିଲ୍ଲାର ବିଭିନ୍ନ ଉନ୍ନୟନ କାର୍ଯ୍ୟକ୍ରମର କଲେ ଶୁଭାରମ୍ଭ

August 3, 2025
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2025 All rights resorved by S M Network | Designed by Ratna Technology.

Type above and press Enter to search. Press Esc to cancel.