ବାଲୁଗାଁ: କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଚିଲିକା ଗସ୍ତରେ ଆସୁଛନ୍ତି। ଗତ ଦୁଇ ଦିନ ହେଲା ସେ ଗଞ୍ଜାମ ଜିଲ୍ଲା ଗସ୍ତରେ ଥିବାବେଳେ ଆଜି ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳି ଗସ୍ତ କରି ରାତିରେ ଦିଲ୍ଲୀ ଫେରିଯିବାର କାର୍ଯ୍ୟକ୍ରମ ଅଛି। ଆଜି ଅପରାହ୍ନ 1.30 ରେ ସେ ବଡ଼କୁଳ ସ୍ଥିତ ପାନ୍ଥନିବାସ ରେ ପହଞ୍ଚିବେ। ସେଠାରେ କିଛି ସମୟ ରହି ମଧ୍ୟାହ୍ନ ଭୋଜନ କରି ଅପରାହ୍ନ 2.45 ରେ ବଡ଼କୁଳ ପାନ୍ଥନିବାସ ରୁ ସିଧା ବାଣପୁର ମା’ ଭଗବତୀ ମନ୍ଦିର ଯିବେ।
ଅପରାହ୍ନ 3 ଟାରେ ମା’ ଭଗବତୀ ମନ୍ଦିର ପହଞ୍ଚି ସେଠାରେ ମା ‘ ଙ୍କ ପୂଜାର୍ଚନା କରିବେ। ମା’ ଭଗବତୀ ମନ୍ଦିରରେ ଦୀର୍ଘ ଅଧେ ଘଣ୍ଟା ଅତିବାହିତ କରି ଅପରାହ୍ନ 3.30 ରେ ବାଣପୁରରୁ ଭୂଷଣ୍ଡପୁର ମା’ ଉଗ୍ରତାରା ମନ୍ଦିର ଅଭିମୁଖେ ବାହାରି ସେଠାରେ ପୂଜାର୍ଚନା କରି ରାତିରେ ଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଥିବା କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କାର୍ଯ୍ୟାଳୟରୁ ପ୍ରକାଶ।
କେନ୍ଦ୍ରମନ୍ତ୍ରୀଙ୍କ ଚିଲିକା ଗସ୍ତ ସମୟରେ ସ୍ଥାନୀୟ ବିଧାୟକ ତଥା ଆଇନ ମନ୍ତ୍ରୀ ପୃଥ୍ଵୀରାଜ ହରିଚନ୍ଦନ ଉପସ୍ଥିତ ରହିବେ ବୋଲି ଜଣାପଡିଛି। ତେବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଗସ୍ତକୁ ଦୃଷ୍ଟିରେ ରଖି ପୋଲିସ ସୁରକ୍ଷା ବ୍ୟବସ୍ଥା କଡ଼ାକଡି ହୋଇଥିବା ବାଲୁଗାଁ ଏସଡିପିଓ ସଞ୍ଜୟ କୁମାର ପଟ୍ଟନାୟକ ସୂଚନା ଦେଇଛନ୍ତି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଗସ୍ତକୁ ନେଇ ଚିଲିକା ବିଜେପି କର୍ମୀ ବେଶ ଉତ୍ସାହିତ ହୋଇପଡିଥିବା ବେଳେ ତାଙ୍କୁ ସ୍ୱାଗତ କରିବାପାଇଁ ଦଳୀୟ କର୍ମୀ ବିଭିନ୍ନ ପ୍ରସ୍ତୁତି ଆରମ୍ଭ କରିଦେଇଥିବା ଜଣାପଡିଛି।
ପଢନ୍ତୁ- ବ୍ରହ୍ମପୁର ବିଶ୍ୱବିଦ୍ୟାଳୟର ୨୬ତମ ସମାବର୍ତ୍ତନ ଉତ୍ସବରେ ରାଜ୍ୟପାଳ ଓ କେନ୍ଦ୍ରମନ୍ତ୍ରୀ
ପଢନ୍ତୁ- ବ୍ରହ୍ମପୁରରେ ‘ତ୍ରିରଙ୍ଗା ଯାତ୍ରା’ରେ ସାମିଲ ହେଲେ କେନ୍ଦ୍ରମନ୍ତ୍ରୀ