ରେଢ଼ାଖୋଲ (କନ୍ଦର୍ପ ବେହେରା): ରେଢ଼ାଖୋଲ ସହରର ମଧ୍ୟ ସ୍ଥଳରେ ଥିବା ସନ୍ଥ କବି ଭୀମ ଭୋଇଙ୍କ ପ୍ରତିମୂର୍ତ୍ତି ରେ ପ୍ରତିଦିନ ଫୁଲମାଳ ଓ ଅଖଣ୍ଡ ଦୀପ ଦିଆଯିବାକୁ ଏନଏସି ତରଫରୁ ପ୍ରସ୍ତାବ ଆଗତ ହୋଇଛି ଏବଂ ଆଜିଠାରୁ ଏହା ମଧ୍ୟ କାର୍ଯ୍ୟକାରି ହୋଇଛି। ଆଜି ରେଢ଼ାଖୋଲ ବିଜ୍ଞାପିତ ଅଂଚଳ ପରିଷଦର ସାଧାରଣ ବୈଠକରେ ଅନେକ ସମସ୍ୟା ଉପରେ ଆଲୋଚନା ହେବା ପରେ ଅଧ୍ୟକ୍ଷ ଶିବରାମ ସାହୁଙ୍କ ପ୍ରସ୍ତାବ ଅନୁଯାୟୀ ରେଢ଼ାଖୋଲ ବସ୍ ଷ୍ଟାଣ୍ଡ ଠାରେ ସ୍ଥାପିତ ଥିବା ସନ୍ଥ କବି ଭୀମଭୋଇଙ୍କ ପ୍ରତିମୂର୍ତ୍ତି ଠାରେ ଅଖଣ୍ଡ ଦୀପ ଏବଂ ଫୁଲ ମାଳା ଦିଆଯାଇଥିଲା।
ନିଜେ ଅଧ୍ୟକ୍ଷ ଦାୟିତ୍ୱ ନେବା ସହ ବିଜ୍ଞାପିତ ଅଂଚଳ ପରିଷଦର ସମସ୍ତ କାଉନସିଲର ସହମତି ଦେଇ ଥିଲେ। ଆଜି ସମସ୍ତ କାଉନସିଲର ଭାଇ ଭଉଣୀ ମାନେ ପ୍ରତିମୂର୍ତ୍ତି ପାଖକୁ ଯାଇ ଅଖଣ୍ଡଦୀପ ଓ ଫୁଲ ମାଳା ମାଲ୍ୟାର୍ପଣ କରି ଥିଲେ। ଏହି କାର୍ଯ୍ୟ ପ୍ରତିଦିନ ଚାଲିବ ବୋଲି ଏନଏସି ଅଧ୍ୟକ୍ଷ ଶିବରାମ ସାହୁ ପ୍ରକାଶ କରିଛନ୍ତି।
