ଭୁବନେଶ୍ଵର: ବାରମ୍ବାର ଦାବିପତ୍ର ପ୍ରଦାନ ଓ ଆଲୋଚନା ସତ୍ତ୍ୱେ ଏନପିଏସ ମାଧ୍ୟମିକ ଶିକ୍ଷକ ମାନଙ୍କର ଦୀର୍ଘ ଦିନର ଦାବି ପୂରଣ ହେଉନଥିବାର ଅଭିଯୋଗ ହେଉଛି। ଏନ ପି ଏସ ମାଧ୍ୟମିକ ଶିକ୍ଷକ ମାନଙ୍କର ବିଭିନ୍ନ ସଂଗଠନ ଏକାଠି ହୋଇ ଦୀର୍ଘ ଦିନର ସେମାନଙ୍କ ନାର୍ଯ୍ୟ ଦାବି ଯଥା ୬ ବର୍ଷର ଚୁକ୍ତି ଅବଧିକୁ ନିୟମିତ ଚାକିରିରେ ଗଣନା କରି ୬ ଟି ନୋସନାଲ ଇନକ୍ରୀମେଣ୍ଟ ପ୍ରଦାନ କରିବା, ୩୨ ବର୍ଷ ର ପୁରୁଣା କ୍ୟାଡ଼ରର ପୁନର୍ଗଠନ, ମାଧ୍ୟମିକ ଶିକ୍ଷକ ମାନଙ୍କର Entry Level ଗ୍ରେଡ ପେ ୨୮୦୦ ରୁ ୪୨୦୦ ଏବଂ ୪୨୦୦ ରୁ ୪୬୦୦ କୁ ବୃଦ୍ଧି କରିବା ଓ ପ୍ରଭାବିତ ଶିକ୍ଷକମାନଙ୍କୁ ୪.୪.୨୦୨୨ ଠାରୁ ୧୭.୧୦.୨୦୨୨ ପର୍ଯ୍ୟନ୍ତ ଆର୍ଥିକ ଲାଭ ଆଦି ପ୍ରଦାନ ନିମନ୍ତେ ଆସନ୍ତା ସେପ୍ଟେମ୍ବର ୬ ତାରିଖରେ ସମସ୍ତ ଜିଲ୍ଲା ର ଜିଲ୍ଲା ଶିକ୍ଷା ଅଧିକାରୀ ଓ ଜିଲ୍ଲାପାଳଙ୍କ ମାଧ୍ୟମରେ ମୁଖ୍ୟମନ୍ତ୍ରୀ, ଗଣଶିକ୍ଷା ମନ୍ତ୍ରୀ ଓ ଗଣଶିକ୍ଷା ସଚିବ ଙ୍କ ଉଦ୍ଦେଶ୍ୟ ରେ ଦାବିପତ୍ର ପ୍ରଦାନ କରିବା ପାଇଁ ନିଷ୍ପତ୍ତି ନିଆଯାଇଛି।
ଯଦି ସରକାର ଏନ ପି ଏସ ମାଧ୍ୟମିକ ଶିକ୍ଷକ ମାନଙ୍କର ଉପୋରକ୍ତ ଦାବି ଗୁଡିକୁ ନ ମାନନ୍ତି ତେବେ ଆସନ୍ତା ସେପ୍ଟେମ୍ବର ୧୮ତାରିଖ ଠାରୁ ଦାବି ହାସଲ ପର୍ଯ୍ୟନ୍ତ ଏନ ପି ଏସ ମାଧ୍ୟମିକ ଶିକ୍ଷକ ମାନେ ବିଦ୍ୟାଳୟ ପରିତ୍ୟାଗ କରି ବିଧାନସଭା ସମ୍ମୁଖରେ ଧାରଣା ଓ ଆନ୍ଦୋଳନ କରିବେ ବୋଲି ସଙ୍ଘର ଆବାହକ ଭବକୃଷ୍ଣ ମହାନ୍ତି, ପ୍ରଦୀପ୍ତ କୁମାର ପ୍ରଧାନ, ଅମରେନ୍ଦ୍ର ସ୍ୱାଇଁ, ଶୁଭ୍ରଜିତ ପଢିଆରୀ, ବିଶ୍ୱଜିତ ବିଶ୍ୱାଳ, ପଞ୍ଚାନନ ଜେନା ଓ ରାଜେନ୍ଦ୍ର ମଲ୍ଲିକ ଏକ ପ୍ରେସ ବିବୃତ୍ତିରେ ଜଣାଇଛନ୍ତି।