କଟକ: ପାର୍ବଣକୁ ନେଇ କଟକ ସ୍ଥିତ କେନ୍ଦ୍ରାଞ୍ଚଳ ଡିଆଇଜିଙ୍କ କାର୍ଯ୍ୟାଳୟରେ ଡିଆଇଜି ଡକ୍ଟର ସତ୍ୟଜିତ ନାୟକଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଛି। ବୈଠକରେ ଆଇନ ଶୃଙ୍ଖଳା, ମହିଳା ସୁରକ୍ଷା, ବରିଷ୍ଠ ନାଗରିକଙ୍କ ସୁରକ୍ଷା, ପର୍ଯ୍ୟଟକଙ୍କ ସୁରକ୍ଷା, ମନ୍ଦିର ସୁରକ୍ଷା, ପାର୍ବଣକୁ ଶାନ୍ତି ଶୃଙ୍ଖଳାରେ ଶେଷ କରିବା, ଅପରେସନ ପ୍ରହାର, ଅପରେସନ ଅଗ୍ନି ଭଳି ବିଭିନ୍ନ ବିଷୟରେ ଆଲୋଚନା କରାଯାଇଛି। ଆଗକୁ କାର୍ତ୍ତିକ ମାସ ଆସୁଛି, ଏଥିଲାଗି ହବିଷିଆଳି ମାନଙ୍କ ସୁରକ୍ଷା ବ୍ୟବସ୍ଥା ବିଷୟରେ ମଧ୍ୟ ଏହି ବୈଠକରେ ଆଲୋଚନା କରାଯାଇଛି। ଏ ନେଇ ଡ଼ିଆଇଜି ଶ୍ରୀ ନାୟକ ପୁରୀରେ ସମୁଦ୍ରକୂଳ, ମନ୍ଦିର ସୁରକ୍ଷା, ପର୍ଯ୍ୟଟକଙ୍କ ସୁରକ୍ଷା ବିଷୟରେ ଦୃଷ୍ଟି ଦିଆଯାଉଥିବା କହିଛନ୍ତି।
Cuttack: DIG review on Safety Measures Ahead of Festivals in Odisha