ରେଢ଼ାଖୋଲ (କନ୍ଦର୍ପ ବେହେରା): ହାତୀ ମାନଙ୍କର ଗତିବିଧି ସମ୍ପର୍କରେ ନିରୀକ୍ଷଣ କରୁଥିବା ସମୟରେ ଜଣେ ଅସ୍ଥାୟୀ ବନ କର୍ମଚାରୀଙ୍କ ମୃତ୍ୟୁ ହୋଇଥିବା ବନବିଭାଗ ସୂତ୍ରରୁ ପ୍ରକାଶ। ନାକଟିଦେଉଳ ରେଞ୍ଜର ଖୋଲଗଡ ସଂରକ୍ଷିତ ଜଙ୍ଗଲରେ ଦିନ ୧୨ଟା ସମୟରେ ଏଭଳି ଅଭାବନୀୟ ଘଟଣା ଘଟିଛି।
ବନ ବିଭାଗ ସୂତ୍ରରୁ ପ୍ରକାଶ ଯେ, ନାକଟିଦେଉଳ ରେଞ୍ଜର ଖୋଲଗଡ଼ ରିଜର୍ଭ ଜଙ୍ଗଲ ସରାପାଲି ବିଟ ଟିକିଲିପଡ଼ାରେ ହାତୀ ଗତିବିଧି ସମ୍ପର୍କରେ ଜାଣିଵା ପାଇଁ ବନ ବିଭାଗର ପାଖାପାଖି ଦଶ ଜଣ କର୍ମଚାରୀ ମାନେ ଯାଇଥିଲେ। ହାତୀମାନଙ୍କୁ ଟ୍ରାକିଙ୍ଗ କରୁଥିବା ସମୟରେ ସମସ୍ତ ବନ ବିଭାଗ କର୍ମଚାରୀ ପଡିଯାଇଥିଲେ।
ଟିକିଲିପଡ଼ା ଗ୍ରାମର ଦିବାକର ପ୍ରଧାନ (୪୦) ହାତୀ ମାଡି ଦେଇ ଜଙ୍ଗଲ ମଧ୍ୟକୁ ଚାଲି ଯାଇଥିଲା। ଗୁରୁତର ଦିବାକରକୁ ବନ କର୍ମଚାରୀ ମାନେ ଉଦ୍ଧାର କରି ପ୍ରଥମେ ନାକଟିଦେଉଳ ଡାକ୍ତର ଖାନାକୁ ନେଇ ପ୍ରାଥମିକ ଚିକିତ୍ସା କରିଵା ପରେ ଅବସ୍ଥା ଗୁରୁତର ହେବାରୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଥିଲା। ଆହତ ଦିବାକର ବୁର୍ଲା ଡାକ୍ତର ଖାନାରେ ମୃତ୍ୟୁ ବରଣ କରିଥିଲେ। ସେ ବନ ବିଭାଗରେ ବହୁ ଦିନ ହେଲା ଜଣେ ୱ।ଚର ଭାବରେ କାମ କରୁଥିଲେ।
ମୃତକ ଦିବାକରଙ୍କୁ ସରକାରଙ୍କ ତରଫରୁ କ୍ଷତିପୂରଣ ଦେବାକୁ ଦାବି ହେଉଛି। ଖବର ଲେଖା ହେଵା ପର୍ଯ୍ୟନ୍ତ ମୃତକଙ୍କ ଶବ ନିଜ ଗାଁ ଟିକିଲିପଡା ଗ୍ରାମରେ ପହଂଚି ନ ଥିଲା।