ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ଧରାକୋଟ ଥାନା ଆର୍. ଦାମୋଦରପଲ୍ଲୀରେ ଜୁଆ ଖେଳକୁ ନେଇ ହତ୍ୟାକାଣ୍ଡ ଘଟିଛି। କମିସନ ଟଙ୍କା ଭାଗବଣ୍ଟା କେନ୍ଦ୍ର କରି ସେହି ଗ୍ରାମର କାଳିଆ ରେଡିଙ୍କୁ ହତ୍ୟା କରାଯାଇଛି।
ସୂଚନା ଅନୁଯାୟୀ, ଦାମୋଦରପଲ୍ଲୀ ଗ୍ରାମରେ ଋଷିକୁଲ୍ୟା ନଦୀ ପଠାରେ ଦୀର୍ଘ ଦିନ ଧରି ଏକ ଜୁଆ ଆଡ୍ଡା ଚାଲିଥିଲା। କିଛି ଅପରାଧୀ ଓ ଦଲାଲ ଏହାକୁ ଚଳାଇଥିଲେ। ଗତକାଲି ରାତିରେ ଖେଳରୁ ବାହାରୁଥିବା ବିନା ଟଙ୍କାକୁ ଭାଗ ବଣ୍ଟାକୁ ନେଇ ପରସ୍ପର ମଧ୍ୟରେ ଝଗଡ଼ା ହୋଇ କାଳିଆ ରେଡ୍ଡୀଙ୍କୁ ଅଭିଯୁକ୍ତ ଛୁରା ମାଡ଼ କରିଥିଲେ। ଆଜି MKCGରେ ତାଙ୍କର ମୃତ୍ୟୁ ହୋଇଛି। ଏତେବଡ଼ ଜୁଆଖେଳ ସମ୍ପର୍କରେ ପୁଲିସ କିପରି ଜାଣିପାରୁନଥିଲା, ଏନେଇ ପ୍ରଶ୍ନ ଉଠିଛି।