ରେଢ଼ାଖୋଲ (କନ୍ଦର୍ପ ବେହେରା): ସମ୍ବଲପୁର ଜିଲ୍ଲା ରେଢ଼ାଖୋଲ ଥାନା କୁକୁଡ଼ାବାହାଳି ପଞ୍ଚାୟତ ଅନ୍ତର୍ଗତ ବଡକସିବାହାଳ ଗ୍ରାମରେ କୁଚିଆ ମଦ ବିକ୍ରିକୁ ବନ୍ଦ କରିବାକୁ ନେଇ ଗ୍ରାମବାସୀ ଏକ ଦାବୀ ପତ୍ର ରେଢ଼ାଖୋଲ ଉପଜିଲ୍ଲାପାଳଙ୍କ ଠାରେ ପ୍ରଦାନ କରିଛନ୍ତି।
ପ୍ରକାଶ ଯେ, ରେଢ଼ାଖୋଲ ଥାନା କୁକୁଡ଼ାବାହାଳୀ ପଞ୍ଚାୟତର ବଡକଶିବାହାଲ ଗ୍ରାମରେ ବେଆଇନ ମଦ ଦୋକାନ ଓ କୁଚିଆ ଭାଟିରେ ଖୋଲା ଖୋଲି ମଦ ବିକ୍ରି ଚାଲୁଥିବାରୁ ସ୍କୁଲକୁ ଆସୁଥିବା ଛୋଟ ଛୋଟ ଛାତ୍ର ଛାତ୍ରୀ ମାନେ ଓ ନିକଟରେ ଥିବା ମନ୍ଦିରକୁ ଆସୁଥିବା ମହିଳା ଭକ୍ତମାନେ ମଦୁଆ ମାନଙ୍କ ଠାରୁ ଖରାପ ଭାଷା ଶୁଣୁ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ଗ୍ରାମରେ ଏହି ମଦ ବନ୍ଦ କରିବାକୁ ଗ୍ରାମବାସୀ ରେଢ଼ାଖୋଲ ଉପଜିଲ୍ଲାପାଳଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି। ଆଗାମୀ ଦିନରେ ଗ୍ରାମରେ ଯଦି ମଦ ବନ୍ଦ କରା ନ ଯାଏ ରାସ୍ତାରୋକ କରାଯିବ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।