ଓ୍ବିଣ୍ଡିଜ୍ ଗସ୍ତରେ ରହିଥିବା ଭାରତ ‘ଏ’ ଦଳ ଦୃଢ ସ୍ଥିତିରେ ରହିଛି । 278 ରନ୍ ବିଜୟ ଲକ୍ଷ୍ୟର ପିଛା କରୁଥିବା ଭାରତୀୟ ଦଳ 185/3 ସହ ଦୃଢ ସ୍ଥିତିରେ ରହିଛି । ଭାରତ ଏ ପକ୍ଷରୁ ପ୍ରିୟଙ୍କ ପାଞ୍ଚଲ ଏବଂ ମୟଙ୍କ ଅଗ୍ରଓ୍ବାଲ ଅର୍ଦ୍ଧଶତକ ହାସଲ କରିଛନ୍ତି । ପାଞ୍ଚଲ 68 ରନ୍ ସଂଗ୍ରହ କରିଥିବା ବେଳେ ମୟଙ୍କ ଅଗ୍ରଓ୍ବାଲ 81 ରନ୍ ସଂଗ୍ରହ କରିଛନ୍ତି । ପ୍ରଥମ ଓ୍ବିକେଟ୍ରେ ଉଭୟ 150 ରନ୍ ଯୋଡିଥିଲେ । ତୃତୀୟ ଦିନର ଖେଳ ଆରମ୍ଭ ବେଳକୁ ଓ୍ବିଣ୍ଡିଜ୍ 12/4ରୁ ଖେଳ ଆରମ୍ଭ କରିଥିଲା । ଦଳ ପକ୍ଷରୁ ସୁନୀଲ ଅମ୍ବ୍ରୀସ (71) ରନ୍ର ଇନିଂସ ଖେଳିଥିଲେ ମଧ୍ୟ କ୍ରିଷ୍ଣପା ଗୌତମ 17 ରନ୍ ବିନିମୟରେ 5 ଓ୍ବିକେଟ୍ ଅକ୍ତିଆର କରିବାରୁ ଦଳ ମାତ୍ର 149 ରନ୍ରେ ଅଲ୍ଆଉଟ୍ ହୋଇଯାଇଥିଲା । ପ୍ରଥମ ଇନିଂସରେ ଓ୍ବିଣ୍ଡିଜ୍ ଏ 318 ରନ ସଂଗ୍ରହ କରିଥିବା ବେଳେ ଭାରତ 190 ରନ୍ରେ ଅଲ୍ଆଉଟ୍ ହୋଇଯାଇଥିଲା । ଜବାବରେ ଓ୍ବିଣ୍ଡିଜ୍ ଦ୍ବତୀୟ ଇନିଂସରେ ମାତ୍ର 149 ରନ୍ରେ ଅଲ୍ଆଉଟ ହୋଇଛି । ଭାରତକୁ ବିଜୟ ପାଇଁ 93 ରନ୍ ଆବଶ୍ୟକ ଥିବା ବେଳେ ହାତରେ 3ଟି ଓ୍ବିକେଟ୍ ରହିଛି ।
