Nuapada Bypoll: ନୂଆପଡା ନିର୍ବାଚନ ଯେତିକି ପାଖଉଛି, ବିଜେଡି ବିଜେପି ଭିତରେ କନ୍ଦଳ ସେତିକି ବଢିବାରେ ଲାଗିଛି। ପ୍ରତିଦିନ ନିର୍ବାଚନ ଅଧିକାରୀଙ୍କ ନିକଟରେ ତିନି ପ୍ରମୁଖ ଦଳର ନେତା କିଛି ଅଭିଯୋଗ କରିବାରେ ଲାଗିଛନ୍ତି। ଆଜି ସେହିପରି ଶାସକ ବିଜେପି ବିରୋଧରେ ସାଘାଂତିକ ଅଭିଯୋଗ କରିଛି ବିଜେଡି। ବିଜେଡି ଗଣମାଧ୍ୟମ ସଂଯୋଜକ ଲେନିନ ମହାନ୍ତିଙ୍କ ନେତୃତ୍ବରେ ଏକ ଦଳ ମୁଖ୍ୟ ନିର୍ବାଚନ ଅଧିକାରୀଙ୍କ ଅଫିସରେ ଏହି ଅଭିଯୋଗ କରିଛନ୍ତି।
ଏହି ଅଭିଯୋଗରେ ବିଜେଡି ଉଲ୍ଲେଖ କରିଛି ଯେ, ଶାସକ ବିଜେପି ନୂଆପଡା ମହିଳା ଭୋଟରଙ୍କୁ ଶାଢୀ ବଣ୍ଟନ କରିଛି। ସେମାନଙ୍କୁ ପ୍ରଭାବିତ କରିବା ପାଇଁ ବିଜେପି ନେତାମାନେ ଏହି ଶାଢୀ ବାଣ୍ଟିବାରେ ଲାଗିଛନ୍ତି। ଏପରିକି ସେମାନଙ୍କୁ ଟଙ୍କା ବଣ୍ଟାଯାଉଛି ବୋଲି ଅଭିଯୋଗ କରାଯାଇଛି।
ସେହିପରି ବିଜେଡି ଅଭିଯୋଗ କରିଛି ଯେ, ବିଜେପି ପିଲାମାନଙ୍କୁ ନିର୍ବାଚନ ପ୍ରଚାରରେ ମଧ୍ୟ ନିୟୋଜିତ କରୁଛି। ଏ ନେଇ ଦଳ ତରଫରୁ ବିଭିନ୍ନ ପ୍ରମାଣ ଦାଖଲ କରାଯାଇଛି। ନୂଆପଡା ବ୍ଲକ ଅନ୍ତର୍ଗତ ଖୁଟାବନ ଭେରା ପଞ୍ଚାୟତରେ ବିଜେପି ଶିଶୁମାନଙ୍କୁ ବ୍ୟବହାର କରିଛି। ସେମାନେ ଜୟ ଢୋଲକିଆଙ୍କୁ ଜିତାଇବା ପାଇଁ ସ୍ଲୋଗାନ ଦେଉଛନ୍ତି। ଏହାର ଏକ ଭିଡିଓ ନିର୍ବାଚନ ଅଧିକାରୀଙ୍କୁ ଦଳ ପ୍ରଦାନ କରିଛି। ଏହା ଶିଶୁ ଶ୍ରମିକ ଆଇନର ଖୋଲା ଉଲଘଂନ ବୋଲି ବିଜେଡି କହିଛି। ଏହା ବିରୋଧରେ ଦଳ ତୁରନ୍ତ କାର୍ଯ୍ୟାନୁଷ୍ଠନ ଗ୍ରହଣ କରିବା ପାଇଁ ନିର୍ବାଚନ ଅଧିକାରୀଙ୍କ ନିକଟରେ ଦାବୀ କରିଛି।
Roshni Renewable to Set Up Punjab’s First Giga-Scale Solar Module Plant (Click Here to Read)
