ଭୁବନେଶ୍ବର: ଆସନ୍ତାକାଲି ବିଧାନସଭା ଘେରାଉ କରିବ ପ୍ରାକ୍ ପ୍ରାଥମିକ ଶିକ୍ଷକ ସଂଘ। ଏ ନେଇ ସଂଘ ତରଫରୁ ଏକ ସୂଚନା ଜାରୀ କରାଯାଇଛି। ଏଥିରେ କୁହାଯାଇଛି ଯେ, ଓଡିଶା ପ୍ରାକ୍ ଶିକ୍ଷକ ସଂଘ ସୋମବାର ଦିନ ଭୁବନେଶ୍ବରର ଲୋଏର ପିଏମଜି ରେ ଏକ ଶାନ୍ତି ପୂର୍ଣ୍ଣ ଧର୍ମଘଟ କରିବ। ଏଥିରେ ମୁଖ୍ୟ ଦାବୀ ରହିଛି ଯେ, ରାଜ୍ୟରେ ପ୍ରାକ୍ ଶିକ୍ଷକ ନିଯୁକ୍ତି।
ରାଜ୍ୟରେ ବର୍ତ୍ତମାନ ପ୍ରାକ୍ ଶିକ୍ଷକ ପଦବୀ ଖାଲି ଥିବା ବେଳେ ସରକାର ତାହା ପୁରଣ କରୁ ନାହାଁନ୍ତି। ଦୀର୍ଘ ଦିନ ଧରି ସଂଘ ଏ ନେଇ ସରକାରଙ୍କ ନିକଟରେ ଦାବୀ ରଖିଥିଲେ ମଧ୍ୟ ତାହା କାର୍ଯ୍ୟକାରୀ ହେଉ ନାହିଁ। ସେଥିପାଇଁ ସଂଘ ବାଧ୍ୟ ହୋଇ ରାଜରାସ୍ତାକୁ ଓହ୍ଲାଇଲା। ସରକାର ତୁରନ୍ତ ନିଯୁକ୍ତି ପ୍ରଦାନ ନ କରିବା ପର୍ଯ୍ୟନ୍ତ ଆନ୍ଦୋଳନ ଜାରୀ ରହିବ ବୋଲି ସଂଘ କହିଛି।
