ନୂଆଦିଲ୍ଲୀ: ଭାରତ-ପାକିସ୍ତାନ ଅନ୍ତର୍ଜାତୀୟ ସୀମାକୁ ଆହୁରି ସୁଦୃଢ଼ କରିବା ପାଇଁ ଅନେକ ପ୍ରମୁଖ ପଦକ୍ଷେପ ନିଆଯାଉଛି। ସୀମା ସୁରକ୍ଷା ବଳ ଉନ୍ନତ ଫ୍ଲଡ୍ ଲାଇଟ୍, ସୀମା ରାସ୍ତା ଏବଂ ରେଳ ସଂଯୋଗକୁ ପ୍ରାଥମିକତା ଦେଉଛି। ଶୀତକାଳୀନ ଚ୍ୟାଲେଞ୍ଜର ମୁକାବିଲା ପାଇଁ ଅପରେସନ୍ ‘ସର୍ଦ୍ଦ ହାୱା’ ଆରମ୍ଭ କରାଯାଉଛି। ଏହି ପଦକ୍ଷେପ ଅଧୀନରେ ସୀମା ନିରୀକ୍ଷଣ ଏବଂ ପାଟ୍ରୋଲିଂକୁ ବୃଦ୍ଧି କରିବା ପାଇଁ ଆଧୁନିକ ଅସ୍ତ୍ରଶସ୍ତ୍ରରେ ସଜ୍ଜିତ ସୈନିକମାନଙ୍କୁ ନିୟୋଜିତ କରାଯାଇଛି।
ବିଏସଏଫ ରାଜସ୍ଥାନ ଫ୍ରଣ୍ଟିୟର୍ ଆଇଜି ଏମ୍.ଏଲ୍. ଗର୍ଗ କହିଛନ୍ତି ଯେ, ଫ୍ଲଡ୍ ଲାଇଟ୍ ସ୍ଥାପନ ଦ୍ୱାରା ସୀମାରେ ଦୃଶ୍ୟମାନତା ବୃଦ୍ଧି ପାଇବ ଏବଂ ଯେକୌଣସି ସନ୍ଦେହଜନକ କାର୍ଯ୍ୟକଳାପ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ।