ଭୁବନେଶ୍ୱର: ବିଦ୍ୟାଳୟ ଓ ଗଣଶିକ୍ଷା ବିଭାଗର ଉଚ୍ଚ ସ୍ତରୀୟ ଏକ୍ସପଟ କମିଟି ଚିଠି ନଂ – 113, ତା-07-02-2026 ଅନୁଯାୟୀ ରାଜ୍ୟର ଏନ.ପି.ଏସ. ମାଧ୍ୟମିକ ଶିକ୍ଷକ ମାନଙ୍କର 13 ଦଫା ଦାବି ନେଇ ସଙ୍ଘ ବିଦ୍ୟାଳୟ ଓ ଗଣଶିକ୍ଷା ବିଭାଗର ଉଚ୍ଚ ସ୍ତରୀୟ ଏକ୍ସପଟ କମିଟିର ଅଧ୍ୟକ୍ଷ ଅଶୋକ ତ୍ରିପାଠୀ ମହୋଦୟ, ବିଦ୍ୟାଳୟ ଓ ଗଣଶିକ୍ଷା ବିଭାଗର ଉଚ୍ଚ ସ୍ତରୀୟ ଏକ୍ସପଟ କମିଟିର ଆବାହକ ସନାତନ ପଣ୍ଡା ମହୋଦୟ ଏବଂ ଅନ୍ୟାନ୍ୟ ଅଧିକାରୀ ମାନଙ୍କ ଉପସ୍ଥିତରେ ଏକ ସୌହାର୍ଦ୍ଧ୍ୟପୂର୍ଣ୍ଣ ଆଲୋଚନା ହୋଇଯାଇଛି। ମୁଖ୍ୟତ 2004 ରୁ 2013-14 ମଧ୍ୟରେ ନିଯୁକ୍ତି ପାଇଥିବା ଶିକ୍ଷକ ମାନଙ୍କର 6 ବର୍ଷର ଚୁକ୍ତି ଅବଧିକୁ ନିୟମିତ ଚାକିରିରେ ଯୋଗ କରିବା ସହ 6 ଗୋଟି ନାସନାଲ ଇଂକ୍ରିମେଣ୍ଟ ପ୍ରଦାନ କରିବା ନେଇ କମିଟି ସହ ଆଲୋଚନା ହୋଉଥିଲା, ଶିକ୍ଷକ ଶିକ୍ଷୟିତ୍ରୀଙ୍କ ନିମନ୍ତେ ସ୍ୱାସ୍ଥ୍ୟ ବୀମା, 2016 ବ୍ୟାଚର ଶିକ୍ଷକଙ୍କର ବକେୟା ପାଉଣା ପ୍ରଦାନ କରିବା,ଟିଜି ଶିକ୍ଷକ ଶିକ୍ଷୟିତ୍ରୀ ମାନଙ୍କୁ 4600 ଗ୍ରେଡ଼ ପେ, BA,BPED/BA, CPED ଶିକ୍ଷକ ଶିକ୍ଷୟିତ୍ରୀଙ୍କୁ 4200 ଗ୍ରେଡ଼ ପେ ପ୍ରଦାନ, ପ୍ରମୋଟି ଟିଜି ଶିକ୍ଷକମାନଙ୍କୁ ବରିଷ୍ଠତା ପ୍ରଦାନ ଏବଂ ପୁରୁଣ ପେନସନ ପ୍ରଦାନ ଆଦି ବିଷୟରେ ଆଲୋଚନା ହୋଇଥିଲା।
ଏହି ଆଲୋଚନା ସମସ୍ତ ଦିଗରୁ ସକରାତ୍ମକ ଥିଲ। କମିଟି ଆମ ସମସ୍ତ ଦାବିକୁ ସରକାରଙ୍କ ପାଖରେ ଉପସ୍ଥାପନା କରିବେ ବୋଲି ଦୃଢ ପ୍ରତିଶୃତି ଦେବା ସହ ଦାବି ପୂରଣ ଦିଗରେ ସପୂର୍ଣ ସହଯୋଗ ଯୋଗାଇ ଦେବେ।
ଆଲୋଚନାରେ ଓଡିଶା ଏନ.ପି.ଏସ. ମାଧ୍ୟମିକ ଶିକ୍ଷକ ସଙ୍ଘର ସଭାପତି ପ୍ରଦୀପ୍ତ କୁମାର ପ୍ରଧାନ, ସମ୍ପାଦକ ଅମରେନ୍ଦ୍ର ସ୍ୱାଇଁ, କୋଷାଧ୍ୟକ୍ଷ ପଞ୍ଚାନନ ଜେନା, ମହାସଚିବ ବିଶ୍ୱଜିତ ବିଶ୍ୱାଳ ସହ ଗିରିଜା ଶଙ୍କର କୁଣ୍ଡୁ,ସନ୍ତୋଷ ସାହୁ, ପ୍ରବୀର ପଣ୍ଡା ଓ ଶୁଭ୍ରଜିତ୍ ପ୍ରତିହାରୀ ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ।