ସୋମବାର ରିଲିଜ୍ ହୋଇଛି ଆୟୁଷ୍ମାନ ଖୁରାନାଙ୍କ ଡ୍ରିମ୍ଗାର୍ଲ । ଏହି ଫିଲ୍ମରେ ଆୟୁଷ୍ମାନ ଏକ ଭିନ୍ନ ଭୂମିକାରେ ନଜର ଆସୁଛନ୍ତି । ଟ୍ରେଲରର ଆରମ୍ଭରେ ଆୟୁଷ୍ମାନ ରାଧା ଏବଂ ସୀତା ପରି ପୌରାଣିକ ଚରିତ୍ରରେ ଅଭିନୟ କରୁଥିବାର ଦେଖାଯାଇଛି । ଏହି ଚରିତ୍ରରେ ଆୟୁଷ୍ମାନଙ୍କ ଭୂମିକା ଅତ୍ୟନ୍ତ ଜୀବନ୍ତ ଲାଗୁଛି । ଟ୍ରେଲରର ଦ୍ବିତୀୟ ଭାଗରେ ଆୟୁଷ୍ମାନ ଜଣେ ଟେଲି କଲର ଭୂମିକାରେ ବିଭିନ୍ନ ଗ୍ରାହକଙ୍କୁ ନିଜ ସ୍ବର ଜରିଆରେ ବିମୋହିତ କରିବାର ଚେଷ୍ଟା କରୁଥିବା ନଜର ଆସିଛନ୍ତି । ଫିଲ୍ମରେ ଆୟୁଷ୍ମାନଙ୍କ ସହିତ ନୁସରତ୍ ବରୁଚା ମୁଖ୍ୟ ଭୂମିକାରେ ନଜର ଆସିବେ । ଅନୁ କପୁର ଏବଂ ମନଜୋତ ସିଂ ଆୟୁଷ୍ମାନଙ୍କ ପିତା ଏବଂ ବନ୍ଧୁ ଭୂମିକାରେ ଅଛନ୍ତି । ଟେଲି କଲିଂରେ ଆୟୁଷ୍ମାନଙ୍କ କଲର ତାଲିକାରେ ରହିଛନ୍ତି ବିଜୟ ରାଜ, ଆକାଶ ବାନାର୍ଜୀ ଏବଂ ନିଧି ବିଷ୍ଟ । ଫ୍ରିକି ଅଲୀ ଏବଂ ଭୂମି ଚଳଚିତ୍ରର ଚିତ୍ରନାଟ୍ୟ ଲେଖିବା ପରେ ନିର୍ଦ୍ଦେଶକ ଭାବରେ ଏହି ଫିଲ୍ମ ଜରିଆରେ ପଦାର୍ପଣ କରିଛନ୍ତି ରାଜ ସାନ୍ଦିଲ୍ୟ । ଫିଲ୍ମଟି ସେପ୍ଟେମ୍ବର 13 ତାରିଖରେ ରିଲିଜ୍ ହେବ ।
