ନୂଆଦିଲ୍ଲୀ: ଭାରତ ମଣ୍ଡପମରେ ଆୟୋଜିତ ଇଣ୍ଡିଆ ଏଆଇ ଏକ୍ସପୋ ସମ୍ମିଳନୀରେ ଆଜି ଯୁବ କଂଗ୍ରେସ କର୍ମୀମାନେ ପ୍ରତିବାଦ କରିଛନ୍ତି। ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୁଦ୍ଧରେ ମଧ୍ୟ ସ୍ଲୋଗାନ ଦେଇଛନ୍ତି। ସେମାନେ ସ୍ଲୋଗାନ ଦେଇ ମଣ୍ଡପରେ ପ୍ରବେଶ କରିବା ସହ ଟି-ସାର୍ଟ ଖୋଲି ପ୍ରତିବାଦ କରିଛନ୍ତି।
ଦିଲ୍ଲୀ ପୋଲିସର ସୂଚନା ଅନୁଯାୟୀ, ପ୍ରାୟ ୧୦ ଜଣ ଯୁବ କଂଗ୍ରେସ କର୍ମୀ ଭାରତ ମଣ୍ଡପମରେ ପ୍ରବେଶ କରି ସ୍ଲୋଗାନ ଦେବା ଆରମ୍ଭ କରିଥିଲେ। ଅନେକ ଲୋକଙ୍କୁ ଅଟକ ରଖାଯାଇଛି। ପୋଲିସ କହିଛି ଯେ, ସମସ୍ତ ସଦସ୍ୟ କ୍ୟୁଆର କୋଡ୍ ବ୍ୟବହାର କରି କାର୍ଯ୍ୟକ୍ରମରେ ପ୍ରବେଶ କରିଥିଲେ। ସମସ୍ତ କଂଗ୍ରେସ କର୍ମୀଙ୍କୁ ତିଲକ ମାର୍ଗ ପୋଲିସ ଷ୍ଟେସନକୁ ନିଆଯାଇଛି।
ପୋଲିସ କହିଛି ଯେ, ଏହି ଘଟଣାରେ ପାଞ୍ଚ ଜଣ ଯୁବ କଂଗ୍ରେସ କର୍ମୀଙ୍କୁ ଅଟକ ରଖାଯାଇଛି। ଭାରତୀୟ ଯୁବ କଂଗ୍ରେସ କର୍ମୀଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି।