ଭୁବନେଶ୍ଵର: ମହାନଦୀ ଜଳ ବିବାଦ ପ୍ରସଙ୍ଗରେ ଆଜି ହୀରାକୁଦ ଜଳଭଣ୍ଡାର ଓ ମହାନଦୀ ପରିଦର୍ଶନ କରିଛନ୍ତି ମହାନଦୀ ଟ୍ରିବ୍ୟୁନାଲ ଟିମ୍। ଟ୍ରିବ୍ୟୁନାଲର ନୂତନ ଅଧ୍ୟକ୍ଷା ଜଷ୍ଟିସ ବେଲା.ଏମ୍ ତ୍ରିବେଦୀ, ଜଷ୍ଟିସ ରବି ରଞ୍ଜନଙ୍କ ସମେତ ୧୦ଜଣିଆ ଟିମ ଏହି ପରିଦର୍ଶନରେ ସାମିଲ ହୋଇଛନ୍ତି।
ଏହି ଟିମ୍ ପ୍ରଥମେ ଅଶୋକ ନିବାସରେ ଏକ ବୈଠକ କରିଥିଲେ। ବୈଠକରେ ସମ୍ବଲପୁର ଓ ବରଗଡ଼ ଜିଲ୍ଲାର ଜିଲ୍ଲାପାଳ, ଓଡିଶା ଛତିଶଗଡର ଜଳ ସମ୍ପଦ ବିଭାଗର ବରିଷ୍ଟ ଅଧିକାରୀ ଉପସ୍ଥିତ ଥିଲେ। ଓଡିଶାର ସ୍ୱାର୍ଥ ସମ୍ପୂର୍ଣ୍ଣ ଭାବେ ସୁରକ୍ଷିତ ରଖାଯିବ। ଦୁଇଟି ରାଜ୍ୟ ମଧ୍ୟରେ ଆପୋଷ ଆଲୋଚନା ଦ୍ବାରା ସମସ୍ୟାର ସମାଧାନ ହେବ ବୋଲି ଆଡଭୋକେଟ ଜେନେରାଲ ପିତାମ୍ବର ଆଚାର୍ଯ୍ୟ କହିଛନ୍ତି।