ସେକ୍ସ ରାକେଟ ଠାବ: ୫ ଯୁବକ ଓ ଯୁବତୀ ଅଟକ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ନିମଖଣ୍ଡି ଥାନା ଅର୍ନ୍ତଗତ ଅମରାବତୀ ନଗର ଅଞ୍ଚଳରେ ବେଆଇନ କାର୍ଯ୍ୟକଳାପ ପର୍ଦ୍ଦାଫାସ ହୋଇଛି। ଏହି ବିଷୟରେ ବିଶ୍ଵସ୍ତ ସୂତ୍ରରୁ ଖବର ପାଇ ଥାନା ଅଧିକାରୀ କୃଷ୍ଣ ଚନ୍ଦ୍ର ସାହାଙ୍କ ନିର୍ଦ୍ଦେଶ କ୍ରମେ ଚଢ଼ାଉ କରାଯାଇଥିଲା। ଯେଉଁଥିରେ ସେକ୍ସ ରାକେଟ ଠାବ ହୋଇଥିଲା। ଏହି ରାକେଟରେ ସମ୍ପୃକ୍ତ ଦୁଇ ଯୁବତୀ ଓ ୩ ଯୁବକଙ୍କୁ ଘଟଣାସ୍ଥଳରୁ ପୋଲିସ କାବୁ କରିଥିଲା। ସମସ୍ତ ଅଭିଯୁକ୍ତଙ୍କୁ ଥାନାରେ ରଖି ଜେରା କରାଯାଉଛି। ଏହି ଚଢାଉ ପରେ ଘଟଣାର ବିସ୍ତୃତ ଅନୁସନ୍ଧାନ ଚାଲିଛି ବୋଲି ପୋଲିସ ପକ୍ଷରୁ ସୂଚନା ମିଳିଛି।