ଯାଜପୁର: ସ୍ୱାମୀ-ସ୍ତ୍ରୀର ସମ୍ପର୍କ ସାତଜନ୍ମର । ସାବିତ୍ରୀ ନିଜ ସ୍ୱାମୀଙ୍କୁ ଜୀବନ ବଞ୍ଚାଇବା ପାଇଁ ଯମରାଜାଙ୍କ ସହିତ ଲଢେଇ କରିଥିଲେ । ମାତ୍ର ଆଜିର ଆଧୁନିକ ନାରୀ ନିଜ ପ୍ରେମ ପାଇଁ ନିଜ ସ୍ୱାମୀର ଜୀବନ ନେବାକୁ ମଧ୍ୟ ପଛାଉନାହିଁ । ପ୍ରେମ ପାଇଁ କେତେବେଳେ ନୀଳ ଡ୍ରମ୍ରେ ଭିତରେ ହତ୍ୟା କରି ଶବକୁ ଲୁଚାଉଛି ତ କେତେବେଳେ ହନିମୁନିଂ ଯିବା ବାହାନାରେ ଲୋକ ଲଗାଇ ଗୁଳି କରି ମାରୁଛନ୍ତି । ଠିକ୍ ଏପରି ଏକ ଘଟଣା ଦେଖିବାକୁ ମିଳିଛି ଯାଜପୁରଠାରେ । ଯାଜପୁର କାଳୀମେଘାରେ ହୋଇଥିବା ମୃତ ସୌମ୍ୟଙ୍କ ହତ୍ୟାକାଣ୍ଡ ଘଟଣାର ରହସ୍ୟ ପଦାକୁ ଆସିଛି ।
ଯାଜପୁର କାଳୀମେଘା ଅଞ୍ଚଳର ସୌମ୍ୟସାଗର ସାମଲ୍ଙ୍କ ହତ୍ୟାକାଣ୍ଡ ଘଟଣାର ଫର୍ଦ୍ଦାଫାସ ଘଟିଛି । ଗତ ୬ ତାରିଖରେ ତାଙ୍କୁ ଗୁଳି କରି ହତ୍ୟା କରାଯାଇଥିଲା । ଏହି ଘଟଣାର ଗୁମର ଖୋଲିଛି । ଏହି ଘଟଣାରେ ପୋଲିସ୍ ୫ଜଣଙ୍କୁ ଗିରଫ କରିଛି । ଏହି କ୍ରାଇମ୍ କାହାଣୀର ମୁଖ୍ୟ ଖଳନାୟିକା ହେଉଛନ୍ତି ସୌମ୍ୟଙ୍କ ସ୍ତ୍ରୀ ଶୁଭଶ୍ରୀ ଓରଫ୍ ସୀମା । ସ୍ୱାମୀଙ୍କୁ ମାରିବା ପାଇଁ ପ୍ଲାନ୍ କରିଥିଲା ସ୍ତ୍ରୀ । ନିଜ ପ୍ରେମିକ ସହ ମିଶି ନିଜ ସ୍ୱାମୀଙ୍କୁ ହତ୍ୟା କରିଛନ୍ତି । ବାହାହେବା ପରେ ବୟଫ୍ରେଣ୍ଡକୁ ଭୁଲିପାରିଲେନି ଶୁଭଶ୍ରୀ । ସୁନ୍ଦରୀ ନାରୀର ଭୟଙ୍କର କାରନାମା । ନିଜେ ହିଁ ନିଜ ସିନ୍ଦୂରକୁ ଫୋଛିଦେଇଛି । ସୌମ୍ୟଙ୍କ ପତ୍ନୀ ଶୁଭଶ୍ରୀଙ୍କୁ ପୋଲିସ୍ ଗରିଫ କରିଛନ୍ତି । ଏହି ଘଟଣାରେ ତାପସଙ୍କ ଭଉଣୀ ଚିନୁ ମଧ୍ୟ ସାମିଲ୍ ଅଛନ୍ତି । ନିଜ ନାଁରେ ଲୋନ୍ ଉଠାଇ ବନ୍ଧୁକ କିଣିବା ପାଇଁ ପଇସା ଦେଇଥିଲା । ଫୋନ୍ ପେ’ରେ ହୋଇଥିଲା ଟଙ୍କା ଟ୍ରାଞ୍ଜାକସନ୍ । ତାପସ୍ ଏହି ଟଙ୍କାରେ ବନ୍ଧୁକ କିଣିଥିଲା । ଏବଂ ଏହି ବନ୍ଧୁକରେ ସୌମ୍ୟଙ୍କୁ ହତ୍ୟା କରିଥିଲା ତାପସ୍ । ଗତ ୬ ତାରିଖରେ ସୌମ୍ୟ ଘରକୁ ଫେରିବା ବାଟରେ ତାପସ କାଳୀମେଘା ନିକଟରେ ଗୁଳି କରିଥିଲା ।
ସୂଚନାଯୋଗ୍ୟ, ଗତ ହୋଲିରେ ସୌମ୍ୟ ଓ ତାପସଙ୍କ ମଧ୍ୟରେ ପ୍ରବଳ ପାଟିତୁଣ୍ଡ ହୋଇଥିଲା । ଏହି ଗଣ୍ଡଗୋଳ ପରେ ତାପସ ସୌମ୍ୟକୁ ସବୁଦିନ ଶେଷ କରିଦେବା ପାଇଁ ପଣ କରିଥିଲା । ଏଥିରେ ସହଯୋଗ କରିଥିଲେ ସୌମ୍ୟର ସ୍ତ୍ରୀ ଶୁଭଶ୍ରୀ ଓରଫ୍ ସୀମା । ସୌମ୍ୟର ସବୁ ଟିକିନିଖିର ଖବର ଦେଇଥିଲା । ସୀମାଠାରୁ ଖବର ପାଇଁ ତାପସ ସୌମ୍ୟଙ୍କୁ ହତ୍ୟା କରିଥିଲା । ପୋଲିସ୍ ସୌମ୍ୟଙ୍କ ସ୍ତ୍ରୀ ଶୁଭଶ୍ରୀ ଓରଫ୍ ସୀମା, ତାପସ, ଚିନୁଙ୍କ ସମତେ ଆଉ ଦୁଇଜଣଙ୍କୁ ଗିରଫ କରିଛି ।
Murder mystery revel of kalimegha murder case