ନୂଆଦିଲ୍ଲୀ: ଲୋକସଭା ଆସନ ବଢାଇବାକୁ କେନ୍ଦ୍ରସରକାର ପ୍ରସ୍ତାବ ଦେଇଛନ୍ତି। ପ୍ରସ୍ତାବିତ ବିଲ୍ ଅନୁସାରେ ଲୋକସଭା ଆସନ ସଂଖ୍ୟା ୮୫୦କୁ ବୃଦ୍ଧି କରିବା ନେଇ ପ୍ରସ୍ତାବ ରହିଛି। କେନ୍ଦ୍ରଶାସିତ ଅଞ୍ଚଳରେ ଲୋକସଭା ଆସନ ସଂଖ୍ୟା ୩୫ ହେବା ନେଇ ପ୍ରସ୍ତାବ ରହିଛି। ଦେଶରେ ଏହି ଆଇନରେ ପରିବର୍ତ୍ତନ ହେଲେ ଓଡ଼ିଶାର ଆସନ ସଂଖ୍ୟା ବଢିବ।
ସମ୍ବିଧାନ ସଂଶୋଧନ ପାଇଁ ଏକ ସମ୍ଭାବ୍ୟ ପ୍ରୟାସ ପୂର୍ବରୁ ସରକାର ସାଂସଦମାନଙ୍କ ସହିତ ଡ୍ରାଫ୍ଟ ବିଲ୍ ସେୟାର କରିଛନ୍ତି। ଯଦି ଏହା କାର୍ଯ୍ୟକାରୀ ହୁଏ, ତେବେ ନୂତନ ଲୋକସଭାର ସଦସ୍ୟ ସଂଖ୍ୟା ବର୍ତ୍ତମାନର ୫୪୩ ରୁ ୮୫୦ ହେବ।
କେନ୍ଦ୍ର ସରକାର ଲୋକସଭାକୁ ୫୪୩ ରୁ ୮୫୦ ଆସନକୁ ବିସ୍ତାର କରିବାକୁ ପ୍ରସ୍ତାବ ଦେଇଛନ୍ତି, ଏହା ଏକ ପଦକ୍ଷେପ ଯାହା ଦୀର୍ଘ ଦିନ ଧରି ପଡ଼ି ରହିଥିବା ମହିଳା ସଂରକ୍ଷଣ ଆଇନକୁ ନୂତନ ସୀମା ନିର୍ଦ୍ଧାରଣ ପ୍ରକ୍ରିୟା ସହିତ କାର୍ୟ୍ୟକାରୀ କରିବା ପାଇଁ ପଥ ପ୍ରଶସ୍ତ କରିବ।
ସୂତ୍ର ଅନୁଯାୟୀ, ସଂପ୍ରସାରଣର ରୂପରେଖା ସହିତ ଏକ ଡ୍ରାଫ୍ଟ ବିଲ୍ ସାଂସଦମାନଙ୍କ ସହ ସେୟାର କରାଯାଇଛି, ସରକାର ସଂସଦର ଏକ ସ୍ୱତନ୍ତ୍ର ତିନି ଦିନିଆ ଅଧିବେଶନରେ ପ୍ରମୁଖ ସାମ୍ବିଧାନିକ ସଂଶୋଧନ ଗ୍ରହଣ କରିବାକୁ ଯୋଜନା କରୁଛନ୍ତି।
ସୂଚନାଯୋଗ୍ୟ ଲୋକସଭା ଆସନ ସଂଖ୍ୟା ୫୪୫ ଆସନ ରହିଛି। ଏବେ କେନ୍ଦ୍ର ସରକାର ମହିଳା ସଂରକ୍ଷଣ ବିଲ୍ ଆଣିଛନ୍ତି। ୩୫ ପ୍ରତିଶତ ମହିଳାଙ୍କ ସଂରକ୍ଷଣ ବିଲ୍ ମଧ୍ୟ ଆହୁରି ଆସନ ସଂଖ୍ୟା ବଢିବା ନେଇ ସୂଚନା ରହିଛି। ତେବେ ଏହାକୁ ନେଇ ଆଲୋଚନା ଆରମ୍ଭ ହେବ। ବିଭିନ୍ନ ରାଜନୈତିକ ଦଳ ଏହାକୁ ନେଇ କ’ଣ ବିଚାର କରୁଛନ୍ତି ତାହା ଆଗାମୀ ସମୟରେ ଜଣାପଡ଼ିବ। ବିଲ୍କୁ ନେଇ ସରକାରଙ୍କ ଆଭିମୁଖ୍ୟ ଆଗାମୀ ସମୟରେ ସ୍ପଷ୍ଟ ହେବ। ସଂସଦରେ ଏହାକୁ ନେଇ ଆଲୋଚନା ହେବା ପରେ ଏହାର ଉଭୟ ଦିଗ ହେବ।