ଇନ୍ଦୋର୍: ଇନ୍ଦୋରରୁ ଏକ ଗମ୍ଭୀର ଘଟଣା ସାମ୍ନାକୁ ଆସିଛି । ପୋଲିସ୍ ହେପାଜତରେ ଥିବା ଜଣେ ଯୁବକଙ୍କର ମୃତ୍ୟୁ ଘଟିଛି । ଏହି ଘଟଣାଟି ବଙ୍ଗାଙ୍ଗା ଥାନା ଭାଗୀରଥାପୁର ଆଉଟ୍ପୋଷ୍ଟରେ ଘଟିଛି । ମିଳିଥିବା ସୂଚନା ଅନୁସାରେ ୪୫ବର୍ଷୀୟ ରାମଜୀଙ୍କୁ ମୋଟରସାଇକେଲ୍ ଚୋରି ସନ୍ଦେହରେ ହାଜତକୁ ଆଣି ପଚରାଉଚୁରା କରାଯାଇଥିଲା । ତେବେ ଯୁବକ ଜଣକ ଏହି ପଚରାଉଚୁରା ସମୟରେ ବିଷାକ୍ତ ପଦାର୍ଥ ବା ପିନାଇଲ୍ ପିଇଦେଇଥିଲେ ବୋଲି ତାଙ୍କ ସ୍ୱାସ୍ଥ୍ୟ ଖରାପ ହୋଇଥିଲା । ପୋଲିସ୍ ତୁରନ୍ତ ହସ୍ପିଟାଲ୍ ନେଇଥିବାବେଳେ ଚିକିତ୍ସାଧୀନ ଅବସ୍ଥାରେ ଯୁବକଟିର ମୃତ୍ୟୁ ହୋଇଥିଲା । ଏହି ଘଟଣାଟି ସାମ୍ନାକୁ ଆସିବା ପରେ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଥିଲା ।
ଏହି ଖବର ସାମ୍ନାକୁ ଆସିବା ପରେ ଅଞ୍ଚଳରେ ଉତ୍ତେଜନା ସୃଷ୍ଟି କରିଛି ଏବଂ ପୋଲିସ ମାମଲାର ତଦନ୍ତ ଆରମ୍ଭ କରିଛି । ପୂର୍ବରୁ ମୃତକଙ୍କ ନାମରେ ବେଆଇନ ମଦ ବିକ୍ରୟ ସମେତ ଚୋରି ପାଇଁ ତିନୋଟି ଅପରାଧ ଥିଲା।
ତେବେ ଏହି ମାମଲାରେ ଅବହେଳା ପାଇଁ ଦୁଇ ଜଣ ପୋଲିସ କର୍ମଚାରୀଙ୍କୁ ନିଲମ୍ବିତ କରାଯାଇଛି। ସମ୍ପୂର୍ଣ୍ଣ ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରାଯାଉଛି, ଏବଂ ତଦନ୍ତ ପରେ ପରବର୍ତ୍ତୀ କାର୍ୟ୍ୟାନୁଷ୍ଠାନ ନିଆଯିବ। ତଦନ୍ତ ରିପୋର୍ଟ ପରେ ହିଁ ସ୍ପଷ୍ଟ ହେବ ଯେ ଏହା ଆତ୍ମହତ୍ୟା କି ଅବହେଳା ଥିଲା। ବର୍ତ୍ତମାନ, ପୋଲିସ ହେପାଜତରେ ଏହି ମୃତ୍ୟୁକୁ ନେଇ ଅନେକ ପ୍ରଶ୍ନ ଉଠାଯାଉଛି।
