ବ୍ରହ୍ମପୁର: ବ୍ରହ୍ମପୁର ଉପକଣ୍ଠ କରାପଲ୍ଲୀ ଗାଁର ସୁଧୀର ପାତ୍ରଙ୍କୁ ଅପହରଣ ପରେ ହତ୍ୟାକାଣ୍ଡର ସତ୍ୟ ସାମ୍ନାକୁ ଆସିଛି । ସୁଧୀରଙ୍କୁ ଅପହରଣକାରୀ 2କୋଟି ଟଙ୍କା ମାଗିଥିଲେ । ଅପହରଣର ସାତ ଦିନ ପରେ ସୁଧୀରଙ୍କୁ ହତ୍ୟା କରି ଫିଙ୍ଗି ଦେଇଥିଲେ। ଅପହରଣକାରୀ ସୁଧୀରଙ୍କୁ ନିର୍ଯ୍ୟାତନା ଦେଉଥିଲେ। ସୁଧୀରଙ୍କ ସ୍ତ୍ରୀ ପୋଲିସରେ ଖବର ଦେବାରୁ ସୁଧୀରଙ୍କୁ ହତ୍ୟା କରିଥିଲେ ଅପହରଣକାରୀ ।
ଗତ ୧୫ ତାରିଖ ରାତିରେ ସୁଧୀରଙ୍କୁ ଅପହରଣ କରାଯାଇଥିଲା। ଅପହରଣ ପରେ ପୋଲିସର ୭ଟି ଟିମ୍ ବିଭିନ୍ନ ସ୍ଥାନରେ ତାଙ୍କୁ ଖୋଜୁଥିଲା। ମାତ୍ର ସଫଳ ହୋଇନଥିଲା ।
ରାଜ୍ୟରେ ଅପରାଧ ଦ୍ରୁତ ଗତିରେ ବାଢୁଥିବାବେଳେ ଅପରାଧୀଙ୍କ ପ୍ରତି ଦୃଷ୍ଟାନ୍ତମୂଳକ ପଦକ୍ଷେପ ନ ନେବା ସରକାରଙ୍କ ଅପାରଗତାକୁ ଦର୍ଶାଉଛି । ବରହମପୁର, ଯାଜପୁର ହେଉ କି ରାଜଧାନୀ ଭୁବେନଶ୍ଵର ହେଉ ସବୁଠି ହତ୍ୟା, ଅପହରଣ ମାମଲା ବଢି ଚାଲିଛି । ସରକାର ଏଇ ଦିଗ ପ୍ରତି ଦୃଷ୍ଟି ଦେଇ ଆଇନ ବ୍ୟବସ୍ଥାକୁ ଆହୁରି କଡାକଡି କରିବା ଆବଶ୍ୟକ ହୋଇପଡିଛି ।
