ଭୁବନେଶ୍ଵର: ଚଳିତ ବର୍ଷର ମାଟ୍ରିକ୍ ରେଜଲ୍ଟ ପ୍ରକାଶ ପାଇଛି । ବୋର୍ଡ କାର୍ଯ୍ୟାଳୟରେ ବିଧିବଦ୍ଧ ରେଜଲ୍ଟ ପ୍ରକାଶ କରାଯାଇଛି। ରେଜଲ୍ଟ ଘୋଷଣା କରିଛନ୍ତି ଗଣଶିକ୍ଷା ମନ୍ତ୍ରୀ। ଚଳିତ ବର୍ଷ ମାଟ୍ରିକ୍ ପାସ୍ ହାର ୯୫.୩୩ ପ୍ରତିଶତ ରହିଛି। ୫ ଲକ୍ଷ ୧୯ ହଜାର ୨୫୧ ପରୀକ୍ଷାର୍ଥୀ ଉତ୍ତୀର୍ଣ୍ଣ ହୋଇଥିବା ବେଳେ A1 ଗ୍ରେଡରେ ୨୪୫୬ ପରୀକ୍ଷାର୍ଥୀ ଉତ୍ତୀର୍ଣ୍ଣ ହୋଇଛନ୍ତି। ସେହିପରି A2 ଗ୍ରେଡରେ ୧୫,୬୮୧, B1 ଗ୍ରେଡରେ ୪୩,୫୬୫, B2 ଗ୍ରେଡରେ ୮୬,୧୦୩ , C ଗ୍ରେଡରେ ୧,୨୯,୮୦୩, D ଗ୍ରେଡରେ ୧,୪୬,୧୫୨, E ଗ୍ରେଡରେ ୯୫,୪୮୧ ପରୀକ୍ଷାର୍ଥୀ ଉତ୍ତୀର୍ଣ୍ଣ ହୋଇଛି।
ସେହିପରି ଗଜପତି ଜିଲ୍ଲାରେ ପାସ ହାର ସର୍ବାଧିକ ରହିଛି। ସବୁଠୁ କମ୍ ପାସ୍ ହାର କେନ୍ଦୁଝର ଜିଲ୍ଲାରେ ରହିଛି। ୩୩୧୦ ବିଦ୍ୟାଳୟରେ ଶତ ପ୍ରତିଶତ ରେଜଲ୍ଟ ହୋଇଛି। ୩ଟି ବିଦ୍ୟାଳୟର ଶୂନ୍ୟ ରେଜଲ୍ଟ ହୋଇଛି ।
ସେହିପରି ଚଳିତ ବର୍ଷ ମଧ୍ୟମାରେ ୮୭.୩% ଉତ୍ତୀର୍ଣ୍ଣ ହୋଇଛନ୍ତି। ମଧ୍ୟମାରେ ୨ହଜାର ୯୮୨ ପରୀକ୍ଷାର୍ଥୀଙ୍କ ମଧ୍ୟରୁ ୨ହଜାର ୯୩୧ ଜଣ ପାସ୍ କରିଛନ୍ତି। ରାଜ୍ୟ ମୁକ୍ତ ବିଦ୍ୟାଳୟ ପରୀକ୍ଷାରେ ପାସ୍ ହାର ୫୯.୮୨% ରହିଥିବା ବେଳେ ପରୀକ୍ଷା ଦେଇଥିଲେ ୧୦,୦୪୩, ସେଥିମଧ୍ୟରୁ ୭ହଜାର ୪୦୫ ପରୀକ୍ଷାର୍ଥୀ ଉତ୍ତୀର୍ଣ୍ଣ ହୋଇଛନ୍ତି
