ରେଢ଼ାଖୋଲ: ଜୈନେକ ଅଧ୍ୟାପକଙ୍କୁ କଲେଜର ଅଧ୍ୟକ୍ଷ ଓ ଜଣେ ଅଧ୍ୟାପକ ମାନସିକ ନିର୍ଯ୍ୟାତନା ଦେଉଥିବା ଅଭିଯୋଗ ହୋଇଛି। ଅଭିଯୋଗରେ ଉଲ୍ଲେଖ ଯେ, ରେଢ଼ାଖୋଲ ଭୀମଭୋଇ କଲେଜର ଓଡ଼ିଆ ଭାଷା ଓ ସାହିତ୍ୟ ବିଭାଗର ଅଧ୍ୟାପକ ମାନଭଞ୍ଜନ କହଁରଙ୍କ ଶାଳକଙ୍କ ବାହାଘର ମାର୍ଚ୍ଚ ମାସ ୯ ତାରିଖ ସ୍ଥିର ହୋଇଥିଲା। ଏହି ବାହାଘରର ବୁଝିବା ସମସ୍ତ ଦାୟିତ୍ୱ ଶ୍ରୀ କହଁରଙ୍କ ଥିବାରୁ ସେ ୯,୧୦, ୧୧, ତାରିଖ ପର୍ଯ୍ୟନ୍ତ ୩ଦିନ ଛୁଟିରେ ଯିବା ପାଇଁ ନିୟମ ଅନୁସାରେ ଅସୁବିଧା ଜଣାଇ କଲେଜ ଅଧ୍ୟକ୍ଷଙ୍କ ନିକଟରେ ଛୁଟି ଦରଖାସ୍ତ ଦେଇ ଅନୁରୋଧ କରିଥିଲେ। ମାତ୍ର ଅଧ୍ୟକ୍ଷ ଦରଖାସ୍ତ ଗ୍ରହଣ ନକରି ଦରଖାସ୍ତଟିକୁ ଫିଙ୍ଗି ଦେଇ ବହୁତ କଟୁ କଥା କହିଲେ।
ଦରଖାସ୍ତଟିକୁ ଅଧ୍ୟାପକ କହଁର ତଳୁ ଉଠାଇ ବାହାରକୁ ଚାଲି ଆସିଲେ। ପର ଦିନ ପୁଣି ଥରେ ଦରଖାସ୍ତଟିକୁ ଅଧ୍ୟକ୍ଷକଙ୍କୁ ଦେଇ ଛୁଟି ପାଇଁ ଅନୁରୋଧ କରିବା ସତ୍ତ୍ୱେ ସେ ଦରଖାସ୍ତ ଟିକୁ ଫିଙ୍ଗିଦେଇ ଇଆଡୁ ସିୟାଡୁ କହିଥିଲେ। ଦରଖାସ୍ତଟିକୁ ଶ୍ରୀ କହଁର ତଳୁ ଉଠାଇ ବାହାରକୁ ଚାଲି ଆସିଲେ। ବଡ଼ମାନଙ୍କ ପରାମର୍ଶ ନେଇ ତୃତୀୟ ବାର ଦରଖାସ୍ତ ଧରି ହାତ ଯୋଡ଼ି ଅନୁରୋଧ କଲେ। ଅଧ୍ୟକ୍ଷ ଉଦ୍ଦେଶ୍ୟମୂଳକ ଭାବେ ଗ୍ରହଣ ନକରିବାରୁ ଟେବୁଲ ଉପରେ ଥୋଇ ନମସ୍କାର କରି ଚାଲି ଆସିିଥିଲେ। ତିନି ଦିନପରେ ଆସି ଜୟନିଂ ରିପୋର୍ଟ ଅଧ୍ୟକ୍ଷଙ୍କ ହାତରେ ଧରାଇ ଧନ୍ୟବାଦ ଦେଇ ନିଜର କର୍ତ୍ତବ୍ୟ ନିଷ୍ଠାର କରିଚାଲିଛନ୍ତି।
ସେ ଜଣେ ଦଳିତ ହୋଇ ଥିବାରୁ ତାଙ୍କ ପ୍ରତି ଅଧ୍ୟକ୍ଷ ଅମୁଲ୍ୟ କୃଷ୍ଣ ପାଢ଼ୀ ଓ ଅଧ୍ୟାପକ ଅରୁଣ କୁମାର ଶାସନି ନଜଣାଇ ମାର୍ଚ୍ଚ ମାସର ଦରମା କାଟି ନାନା ପ୍ରକାର ଚାପ ସୃଷ୍ଟି କରିବା ଦ୍ୱରା ବର୍ତ୍ତମାନ ସେ ମାନସିକ ଓ ଶାରୀରିକ ଭାବେ ଭାଙ୍ଗି ପଡ଼ି କଲେଜ ପରିଚାଳନା କମିଟି ସଭାପତି ତଥା ଉପଜିଲ୍ଲାପାଳ, ରେଢ଼ାଖୋଲ, ଆଞ୍ଚଳିକ ଶିକ୍ଷା ନିର୍ଦ୍ଦେଶକ (ଉଚ୍ଚ ଶିକ୍ଷା ବିଭାଗ) ସମ୍ବଲପୁର, ନିର୍ଦ୍ଦେଶକ ଉଚ୍ଚ ଶିକ୍ଷା ବିଭାଗ ଭୁବନେଶ୍ୱର, ମାନବିକ ଅଧିକାର କମିଶନ ଭୁବନେଶ୍ୱର, ଜିଲ୍ଲାପାଳ ସମ୍ବଲପୁର, ମୁଖ୍ୟମନ୍ତୀ କାର୍ଯ୍ଯାଳୟ ଭୁବନେଶ୍ୱର, ପ୍ରଧାନମନ୍ତ୍ରୀ କାର୍ଯ୍ଯାଳୟ ନୂଆଦିଲ୍ଲୀ ଏବଂ ମଣ୍ଡଳ କମିଶନ, ଭୁବନେଶ୍ୱର, ଉଚ୍ଚ ଶିକ୍ଷାମନ୍ତ୍ରୀ ଓଡ଼ିଶା, କେନ୍ଦ୍ର ଶିକ୍ଷାମନ୍ତ୍ରୀଙ୍କ ଠାରେ ନିରପକ୍ଷ ତଦନ୍ତ ପାଇଁ ଦାବି କରିଛନ୍ତି।