ଭୁବନେଶ୍ଵର: ଭୁବନେଶ୍ୱର ସଂସଦୀୟ କ୍ଷେତ୍ର ଏବଂ ଏହାର ଆଖପାଖ ଅଞ୍ଚଳର ଲୋକ ମାନଙ୍କ ପାଇଁ ସାଂସଦ ଅପରାଜିତା ଷଡ଼ଙ୍ଗୀଙ୍କ ପକ୍ଷରୁ ଲଗାତାର ଭାବେ ଜାରି ରହିଛି ବିଭିନ୍ନ ଉନ୍ନୟନ ମୂଳକ ଲୋକାଭିମୁଖୀ କାର୍ଯ୍ୟ। କେବଳ ଭିତ୍ତିଭୂମି ବିକାଶ ମଧ୍ୟରେ ତାହା ସୀମିତ ନ ରହି ଜନ ସାଧାରଣଙ୍କ ଶିକ୍ଷା , ସ୍ୱାସ୍ଥ୍ୟ ଆଦିକୁ ମଧ୍ୟ ନିଜର ଦାୟିତ୍ୱ ଭାବରେ ନେଇ ବିଭିନ୍ନ କାର୍ଯ୍ୟ କରି ଚାଲିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ। ସେହି ଧାରାରେ ଚଳିତ ମାସର ୩ୟ ରବିବାର ରେ ବେଗୁନିଆ ବିଧାନସଭା ନିର୍ବାଚନୀ ମଣ୍ଡଳୀ ଅନ୍ତର୍ଗତ ବୋଲଗଡ ବ୍ଲକ,ମାଣିକଗଡ,ଗଦାଧର ବାଞ୍ଚାନିଧି ସରକାରୀ ଉଚ୍ଚ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି ପଞ୍ଚମ ସାଂସଦ ଚିକିତ୍ସା ଶିବିର। ଦୂର ଦୂରାନ୍ତ ଗ୍ରାମାଞ୍ଚଳରେ ସ୍ୱାସ୍ଥ୍ୟ ସେବାକୁ ସୁଦୃଢ଼ ଓ ସୁନିଶ୍ଚିତ କରିବାର ମୂଳ ଲକ୍ଷ୍ୟ ନେଇ ଆରମ୍ଭ ହୋଇଥିବା ଏଭଳି ପ୍ରତ୍ୟେକ ସାଂସଦ ସ୍ୱାସ୍ଥ୍ୟ ଶିବିରରେ ପାଖାପାଖି ୬୦୦ରୁ ଊର୍ଦ୍ଧ୍ବ ଲୋକ ମାନଙ୍କୁ ସ୍ୱାସ୍ଥ୍ୟ ସେବା ଯୋଗାଇ ଦିଆଯାଉଥିବା ବେଳେ, ମାଗଣା ଔଷଧ ମଧ୍ୟ ଯୋଗାଇ ଦିଆଯାଉଛି। ଏହି ସ୍ୱାସ୍ଥ୍ୟ ଶିବିରରେ କ୍ୟାପିଟାଲ ହସ୍ପିଟାଲ ଓ ଜିଲ୍ଲା ମୁଖ୍ୟ ଚିକିତ୍ସାଳୟର ବିଭିନ୍ନ ବିଭାଗର ଡ଼ାକ୍ତର ଓ ସ୍ୱାସ୍ଥ୍ୟକର୍ମୀମାନେ ଯୋଗ ଦେଇ ଲୋକମାନଙ୍କ ସ୍ୱାସ୍ଥ୍ୟ ପରୀକ୍ଷାକରି ଆବଶ୍ୟକୀୟ ପରାମର୍ଶ ଦେଉଛନ୍ତି।
ଏହି ଅବସରରେ ସାଂସଦ ଅପରାଜିତା ଷଡ଼ଙ୍ଗୀ ଯୋଗ ଦେବା ସହିତ କେବଳ ଭିତ୍ତିଭୂମି ବିକାଶ ନୁହେଁ, ନିଜ ଅଞ୍ଚଳର ଜନ ସାଧାରଣଙ୍କ ଶିକ୍ଷା ଓ ସ୍ୱାସ୍ଥ୍ୟ ଦାୟିତ୍ୱ ମଧ୍ୟ ତାଙ୍କର ବୋଲି କହିଛନ୍ତି। ପ୍ରତ୍ୟେକ ମାସର ତୃତୀୟ ରବିବାରରେ ତାଙ୍କ ସଂସଦୀୟ କ୍ଷେତ୍ର ର ୮ଟି ବ୍ଲକରେ ଗୋଟେ ପରେ ଗୋଟେ ଏହିଭଳି ସ୍ୱାସ୍ଥ୍ୟ ଶିବିର ଅନୁଷ୍ଠିତ ହେଉଥିବା ବେଳେ ଆସନ୍ତା ମାସରେ ବାଲିପାଟଣାରେ ସ୍ୱାସ୍ଥ୍ୟ ଶିବିର ଅନୁଷ୍ଠିତ ହେବ ବୋଲି ସୂଚନା ଦେଇଛନ୍ତି ସାଂସଦ ଅପରାଜିତା ଷଡ଼ଙ୍ଗୀ। ସାଂସଦଙ୍କ ଏଭଳି କାର୍ଯ୍ୟକୁ ସ୍ଥାନୀୟ ଲୋକେ ବେଶ୍ ପ୍ରଶଂସା କରିଥିବା ବେଳେ, ଆଗକୁ ମଧ୍ୟ ଏହା ଚାଲୁ ରହିବ ବୋଲି କହିଛନ୍ତି ସାଂସଦ।