ରେଢ଼ାଖୋଲ (କନ୍ଦର୍ପ ବେହେରା): ରେଢ଼ାଖୋଲ ବ୍ଲକ ହେଲେଇ ଗ୍ରାମରେ ପଥର ବ୍ଲାଷ୍ଟିଙ୍ଗ ଓ କ୍ରସର ସଂମ୍ପୁର୍ଣ୍ଣ ବନ୍ଦ ପାଇଁ ଶନିବାର ସକାଳେ ଗ୍ରାମବାସୀ ରାଲିରେ ଆସି ଉପଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଥିଲେ।
ଅଞ୍ଚଳବାସୀଙ୍କ ଅଭିଯୋଗ ଅନୁଯାୟୀ କ୍ରସର ଟି ଗାଁ ପାଖରେ ଥିବାରୁ ପଥର ବ୍ଲାଷ୍ଟିଙ୍ଗ ଦ୍ଵାରା ଘର କାନ୍ଥ ଦୋହଳି ପଡୁଛି ଓ କ୍ରସର କୁଆଁରୀ ପାଇଁ ଗାଁରେ ପାଣି ସମସ୍ୟା ଦେଖାଦେବା ସହିତ ପରିବେଷ ଦୂଷିତ ହେଉଛି। ଯା’ଫଳରେ ଅନେକ କିଡନୀ ରୋଗ ରେ ଆକ୍ରାନ୍ତ ହୋଇ ମୃତ୍ୟୁବରଣ କରୁଛନ୍ତି ଏବଂ ସ୍କୁଲ ଛାତ୍ରଛାତ୍ରୀ ମାନେ ପାଠ ପଢିବା ପାଇଁ ବାରବାଙ୍କ ଗଲାବେଳେ ରାସ୍ତାରେ ହାଇୱା ଗାଡି ଗୁଡିକରୁ ଲୋଡ ହୋଇ ଯାଉଥିବା ପଥର ଖଣ୍ଡ ରାସ୍ତାରେ ପଡୁଛି ଯେଉଁଥିପାଇଁ ଦୁର୍ଘଟଣା ହେଉଛି। ବିଗତ ୧୦ ଦିନ ମଧ୍ୟରେ ୨ ଜଣ ଶ୍ରମିକଙ୍କ ଏହି କ୍ରସର ରେ ମୃତ୍ୟୁ ହେଲାଣି।
ତେଣୁ ଏହି କ୍ରସରକୁ ସମ୍ପୁର୍ଣ୍ଣ ବନ୍ଦ କରିବା ପାଇଁ ଗ୍ରାମବାସୀମାନେ ଦାବି କରିବା ସହିତ ଚେତାବନୀ ଦେଇଛନ୍ତି।