ଚାମ୍ବା : ହିମାଚଳ ପ୍ରଦେଶର ଚାମ୍ବା ଜିଲ୍ଲାରେ ଏକ ପର୍ଯ୍ୟଟକ ଗାଡ଼ି ଖାଇକୁ ଖସିପଡିବା ଫଳରେ ୮ ଜଣଙ୍କର ମୃତ୍ୟୁ ହୋଇଛି । ମିଳିଥିବା ସୂଚନା ଅନୁସାରେ ଗାଡି ରେ ଗାଡ଼ି ଚାଳକ ଓ ଦୁଇଜଣ ଶିଶୁଙ୍କୁ ମିଶାଇ ଗାଡ଼ିରେ ମୋଟ ୯ ଜଣ ଯାତ୍ରୀ ଥିଲେ। ଗାଡି ଟି ନିୟନ୍ତ୍ରଣ ହରାଇ ପ୍ରାୟ ୫୦୦ ମିଟର ଗଭୀର ଖାଇକୁ ଖସିପଡ଼ିବା ଫଳରେ ୮ ଜଣ ଲୋକଙ୍କର ମୃତ୍ୟୁ ଘଟିଛି ଏବଂ ଜଣେ ଏବେବି ନିଖୋଜ ଅଛନ୍ତି। ଜିଲ୍ଲାର ଚୁରାହ ସବ୍-ଡିଭିଜନ ଅନ୍ତର୍ଗତ ବୈରାଗଡ଼-ସାଚ୍ ପାସ୍-କିଲାର ବରଫାବୃତ ଅଞ୍ଚଳ ରାସ୍ତାରେ ଗାଡ଼ିଟି ପର୍ଯ୍ୟଟକମାନଙ୍କୁ ନେଇ ଯାତ୍ରା କରୁଥିବା ସମୟରେ ଅକସ୍ମାତ ନିୟନ୍ତ୍ରଣ ହରାଇ ଗଭୀର ଗଣ୍ଡ ମଧ୍ୟକୁ ଖସିପଡ଼ିଥିଲା ତେବେ ମୃତକଙ୍କ ସଠିକ୍ ପରିଚୟ ଚିହ୍ନଟ କରିବା ପାଇଁ ଉଦ୍ୟମ ଜାରି ରହିଥିବା ପ୍ରକାଶ କରିଛନ୍ତି।
